19/11/07

Cinema, Arte i Meditaçon Trancendental

L tema de la masterclass que David Lynch dou l sábado atrasado ne l Estoril yera "Cinema, Arte i Meditaçon Transcendental". Lynch respundiu a muita question i dixo alguas cousas amportantes, de las quales çtaco dues.
Al einebitable pedido de cunseilhos a dar a nuobos realizadores, Lynch respundiu: "séiades berdadeiros cun bos mesmos i cun las buossas eideias, nun recúsedes ua buona eideia" i acrescentou "never give away final cut", l que porbocou ua einorme risada ne l público.
Anquanto defendie ls poderes de la meditaçon trancendental cumo modo de alhargar la cuncéncia, Lynch acumparou las scuolas de ls Stados Ounidos al anfierno. "Depuis de l zaiuno, mandamos ls nuossos filhos al anfierno. En las scuolas, hai bioléncia, tiroteios, drogas i mui pouca aprendizaige. Aprénden-se cousas para usar nun amprego feturo, para andarmos siempre an stress, cun miedo de perdermos l amprego, l carro, la casa, ó la família". Para Lynch, la seluçon passa pula meditaçon cumo forma de alhargar la cuncéncia, la autostima, la gana de daprender". Nun sei se cuncordo cun la soluçon, mas cunsegui reber la scuola pertuesa an la çcriçon de Lynch. Pul menos, an parte.

2 comentários:

Ana disse...

Ye de sperar anton que mais « meditaçon trancendental» lhiebe tamien ls Americanos a recunsiderar seriamente toda la política que ten benido a praticar Bush Júnior. Será que Linch chegou a falar desso tamien ? Talbeç fusse esso l mais amportante ! Por bezes, hai que dezir sien rodeios, las cousas cumo son.
L pior ye que ne l país adonde bibo, hai un que se tornou tamien quaije l perrico desse Bush. Mas manhana, tamien nun ye por acaso que fago grebe; you i muita giente . Por eisemplo, para que las scuolas francesas nun se paréçan cun essas scuolas americanas adonde hai tanto “stress” mas tamien tiroteios, drogas, muortes i tamien mui pouca eiducaçon.
Ye tamien esso l resultado de l liberalismo a la moda americana !

Fir disse...

Se a Meditação Transcendental nos ajudasse a livrar dos maus políticos, ficávamos sem Sócrates, sem Menezes, sem Cavaco e sem tantos outros. Ficavam os franceses sem Sarkozy, os americanos sem Bush.
O que mais me impressionou quando Lynch falou das escolas,não foi tanto a minha preocupação com os americanos, foi o ver ali descrita a escola portuguesa. Com uma variação ou outra.
Boa sorte para a greve em França e para a luta de todos os trabalhadores.