*
Sanjuanes, arrincados na Cruç de las Binhas [retrato de Carlos F.]
Froles de Sanjuanes [retrato de Carlos F.]Apuis de haber deixado eiqui la purmeira yerba queimada na fogueira de San Juan [marrolhos], deixo hoije la outra yerba que tamien se queimaba nessa fogueira i que le damos l nome de Sanjuanes. Al alrobés de ls marrolhos, bota un cheiro pouco agradable i de l tuoro sale-le un lheite mui peligroso quando se achega a la piel, que faç uas bechocas grandes.
Quien podir que deia algue ajuda a saber l sou nome científico, que nun fui capaç de l achar, anque me pareça que pertence a la família de las umbelíferas. Tamien puode ajudar saber outros nomes populares que le déian.
Quien podir que deia algue ajuda a saber l sou nome científico, que nun fui capaç de l achar, anque me pareça que pertence a la família de las umbelíferas. Tamien puode ajudar saber outros nomes populares que le déian.
3 comentários:
Precisábamos de mais andicaçones para nun mos aganharmos, Amadeu: ye neçairo por eisemplo saber tamien cumo son las fuolhas. Hai ou nó presença de manchas roixas na parte baixa de ls tuoros ? Son cousas mui amportantes que puoden ajudar a nun fazer cunfusones subretodo que antre las plantas dessa família tamien las hai que son benenosas cumo ye l caso por eisemplo de la « cicuta » cun l nome científico de «conium maculatum » cun l qual ls Griegos de la Grécia Antiga até preparában beneno ; l tal que fui outilizado para acabar cun la bida de l célebre Sócrates.
Mas you pregunto-me se ls «sanjuanes » de las tierras de Miranda cun l quales se fazien i inda se fázen las fogueiras de l San Juan – Spero que si ! - , a partir de todo l que mos dixo, nun currespónden a ua planta cun este nome científico : « peucedanum palustre » ou talbeç tamien : « thysselinum palustre».
Mas talbeç inda m’anganhe…
De qualquiera maneira ye antressante i até amportante saber estas cousas subre las plantas, nuossas cumpanheiras de bida... Senó nun passamos de uns eignorantes toda la bida. Nun acha ?
Your blog is very interesting!
I have a blog of t-shirts!
Please, send me the photo of a your t-shirt and the link of your blog,
I' ll publish in my blog!
Thanks Ivo
EMAIL:
ivo.giulivo@gmail.com
Tenes rezon, Ana, tengo que mandar tamien l retrato de las fuolhas i outras caratelísticas.
Sei que nun ténen essas manchas roixas de que falas i nun ye nanhue de las plantas an que mandeste l nome, que subretodo las fuolhas (i tamien las froles) son mui defrentes. Tamien nun ye aparecida cula «conium maculatum», que essa yá habie bido.
Esta fin de sumana bou a Sendin i bou a ber se sou capaç de sacar retratos mais cumpletos i apuis pongo-los eiqui.
Tenes rezon, Ana, se nien estas yerbicas sabemos, puode-se dezir que mal coincemos l mundo adonde crecimos.
Oubrigado i cuntinamos a buscar.
Enviar um comentário