Frol de scoba [cytisus scoparius]
Simpres, ándan als miles,
ne ls uolhos todas quédan
amarelando adiles,
i ls uolhos mos anrédan;
la muita oufierta faç
abaixar sou balor;
d'ancantar ye capaç
se bista an pormenor
ua de cada beç,
mas nós de ser bardeiro
tirámos-le, talbeç,
l sou balor anteiro.
You gusto de las ber
cumo un ralo tesouro,
monte que l nun caber
afuora pon sou ouro.
F.Niebro
Sem comentários:
Enviar um comentário