Nunca fumos, nós!!!!

Tiempo

Tu i you nunca fumos, nós!

An  percípio

Querie que corrisses

I tu

Nun agarrabas l miu correr.

Agora

Fuges-me a baler!

Bolas que nien pruma de páixaro

A scapá-se na airaçada

Beloç

Passas por mi

I nien me deriges palabra.

Andefrente al miu cansaço

I als delores que me faziste

Nien la mano subre mi passas.

Alrobés

M´arrepassas.

Por muito que querga

Nunca mos acertamos

I cuntigo

Tiempo

Ye lhuita que sei que perdo.