14/09/11

COPERATIBA AGRICOLA RIBADOURO

.



La Coperatiba Agrícola Ribadouro mais ua beç lieba bien alto l nome de la nuossa region. Mais dues medalhas de prata, ua an binos brancos i outra an binos tintos. Fui un cuncurso anternacional, an Spanha i bastante eisigente, yá que se tratou dua pruoba ciega i cuncorrírun 351 binos. L júri de l cuncurso fui cumpuosto por 15 personalidades ligadas al setor bitibinícola, ouriundas de países cumo Spanha, Pertual, Almanha i Estados Ounidos.
La Coperatiba Ribadouro fui la única coperatiba pertuesa a cunseguir prémios.
L Jornal Nordeste dou l'ambora de l cuncurso, mas talbeç nun se tenga apercebido deste fato. Talbeç por tener l nome Ribadouro, çtacou ls binos de l Douro, mas la Coperatiba Ribadouro queda an Trás-los-Montes cun sede an Sendin, bila de l Nordeste.


3 comentários:

leonardo antao disse...

Buonas nuites Almendra,

Parabienes a la Coperatiba Agrícola Ribadouro por tener recebido mais Dues Medalhas de Prata nun cuncurso anternacional, an Spanha an que cuncorrírun 351 binos.

Fico cuntente cun esta ambora, i bou dibulgá-la, yá que bebo quaije todos ls dies an mie casa l bino tinto Puliteiros i ne ls ancuontros cun amigos l Lhéngua Mirandesa.

Bien-haias Almenda pula dibulgaçon de las Medalhas a este eicelente bino, buono fruito de l trabalho de las gientes mirandesas, que cuntribui para que muitas pessonas que bejitan este blogue l queden a coincer i a saborear.

Un abraço,
Leonardo.

Adelaide Monteiro disse...

Stá de parabienes L Praino.

Bien haias Almendra por mos dares las amboras.

Un beisico,

Delaide

ACangueiro disse...

parabines al bino, apuis inda hai quien diga que l bino de l'adega de sendin nun ye buono,teneis eiqui la proba.

Parabiens a toda la eiquipa i sou prejidente, Tiu Almendra.

abraço,

antonho