TARDE CULTURAL MIRANDESA
Música, Palhestras, Poesie i Lhiteratura an Mirandés
NA “CASA DO FAUNO”, AN SINTRA:
www.casadofauno.wordpress.com | www.facebook.com/casadofauno
17 Abril, 15h-18h (Demingo) - Antrada Lhibre
Música tradecional mirandesa cun gaita-de-foles (José Galvão), caixa i bombo.
Apresentaçon pública de la coleçon An Mirandés, cula perséncia de bários outores yá publicados nessa coleçon - cumo Adelaide Monteiro, Alcina Pires, Bina Cangueiro, Faustino Antão i Fonso Roixo - i anúncio de perspetibas feturas i nuobas obras de la coleçon.
Poesie i lhiteratura mirandesas, lidas puls sous outores.
Palhestra: "Lhiteratura mirandesa: passado, persente i feturo" por Amadeu Ferreira
Palhestra: "L ansino (nun oufecial) de la lhénguia mirandesa" por Francisco Domingues
NOTA: La CASA DO FAUNO ye la nuoba sede de la Eiditora Zéfiro i queda mesmo delantre de l coincido Palácio de la Regaleira.
Aparece i lhieba un amigo a ber se fazemos ua guapa fiesta i cumbíbio.
3 comentários:
Alhá staremos a falar mirandés nua tierra adonde la cultura i la belheza ándan pula mano.
Até alhá,
Delaide
Buonos dies caro Amadeu
Se todo correr bien alhá staremos, mais ls nuossos familiares i amigos.
Esta anformaçon bieno a buona hora, puis assi tengo tiempo d'anformar todo l mundo de l'Associaçon C. i R. Nial de la Boubielha, i tamien de publicar ne l site.
Un abraço
Faustino
Caros ourganizadores desta Tarde na Casa de l Fauno:
Parabienes por guapa eideia.
Ye cun mui prazer i sastifaçon qu'eirei la Sintra, porque todos ls Ancuontros i Palhestras mos deixan culturalmente i pessonalmente mais anriquecidos, i, na special, porque scuitar Amadeu Ferreira ye scuitar ls mais prefundos coincimientos de la stória de l mirandés.
Un arrochado abraço,
Leonardo
Enviar um comentário