" Quando la redadeira arble fur deitada abaixo, l redadeiro riu stubir ambenenado, l redadeiro peixe fur pescado, anton heis de bos dar de cuonta que l denheiro nun se come " (porbérbio ameríndio) Para un meditar de maneira a tornar a saber l que ye un mundo adonde l denheiro deixarie de ser rei.
2 comentários:
Buonas nuites Ana:
Este probérbio oupunta ua de las maiores feridas de la sociadade atual “l denheiro que nun se come ", mas ajuda a comer la sociadade, que la torna cada beç mais cunsumista i eigoísta, que mos dá ua eideia falsa de bien-star, de facelitismo de bida que gera mais zigualdades sociales.
Lhamentábel ye l fato de nestes radadeiros anhos solo se dá balor la quien ten muito denheiro.
Paradoxalmente ye l fato de nestes radadeiros anhos, an bários países ditos zambolbidos tener oumentado la cantidade de giente cun muito denheiro, mas tener oumentado inda mais la la cantidade de famílias que biben sin l mínimo de cundiçones, cun fame, cun trabalho precairo, cun mais zampregados i cun mais pobreza.
La rialidade mundial ye l crecimiento de las grandes fertunas andebiduales i de ls grandes grupos eiquenómicos. L'altamente lhamentable ye ls gobiernos tenéren miedo de fazer leis que bisen cuntrolar i eibitar l crecimiento destas grandes fertunas i de ls grandes grupos eiquenómicos que ouriginan grandes zeigualdades sociales.
Un abraço
Leonardo.
Enviar um comentário