Eigreija de Samartino d'AngueiraLa scadarça
Ua barca salagre no riu lhargo.
Auga barrenta de la anchena
apressiada an trote fuorte i a correr
cun toradas pula flor a nabegar.
Ua remada, outra remada, un jacaré a assomar
na outra borda más abaixo al rebolber .
Ben ua óndia i ua galhada de scadarça afilada
no bote de borracha dá ua scornada!
Soldados, cun spingardas i bazucas,
fitas de balas i granadas, ban al fundo.
Uns grítan, outros afógan-se agarrados a la galha:
furou la barca, ambolcou l mundo …
... soutrodie, yá madrugada clareada
búscan-se ls cuorpos fardados,
perdidos, afogados,
zaparcidos, mutilados a boiar
cume l tou, tan chorado por tous pais
abaldonados antre suspiros i ais,
agora yá sien filhos que mimar.
06-06-2009
1 comentário:
Buonas nuites Abelhón,
Muitos parabienes por mais estes guapos bersos an mimória de Jesé Abílio. Acho que tenes benido a fazer un baliente trabalho lhembrando ls mirandeses que tombórun naqueilha guerra stúpida.
Un abraço,
Francisco Domingues
Enviar um comentário