Ls uobos de Páscoa

La tradiçon de oufrecer uobos pula Páscoa, ben de la China. Assi, quando abrires l tou uobo de Páscoa lhembra-te que la pacéncia china ye repunsable por esta tradiçon.
Ls ourientales ambrulhában ls uobos an cascas de cebolhas i apuis cozinában-los cun rabas a la mistura. Durante la cozedura las rabas íban lhibartando la sue quelor i ls uobos agarrában-la. Assi, quando salien de l lhume, quedában chenos de pintas i manchas scuras na casca. Estes uobos quedában guapos i éran apuis dados cumo prendas na fiesta de la Purmabera.
Ls crestianos cunsagrórun essa questume cumo lhembrácia i zde anton ne l Deimingo de Páscoa passórun a dar-se ls uobos anfeitados.

Francisco Domingues