Cruç de Rodeira ÇancasHerculano
Rumpiu l claron la nuite negra na praineiraan suable caminada nessa strada tan streitica
de xeixos brancos, arena i polareda
até las eiras … na Canhadica.
Chorou l lhugar, la tierra anteira,
Toda la raia era un solo pranto.
Chorou Ifanheç , Cicuiro, Paradela,
Anté manou más la Fuonte Canto.
Un die, de perrada, culas manos a scarbar:
- "Mirai un bui!" dezies a rir de cara angurriada.
Nun te dás fé ? fui antes de merendar
que anchiste de tierra las sopas de la segada!
Tanta alegrie, tanta gana de bibir, tanto lhuitar
para ser más fuorte, audaç i nun falhar
frente a las balas de spingarda ou de canhon
para guardar l maior bien: l coraçon!
Sangrado, quieto, çtroçado junto a la mano,
agora frie, de más outro soldado: Herculano.
3 comentários:
Cun poemas assi (guapos, guapos, guapos !) nun deberie de haber mais guerras.
Se todos léssen i pensássen bien !
Niegras nubres bózian i chispan relampos de rábia i sorbe la tierra do praino l sudor de la segada chorando l sangre de outro soldado.
Perra guerra!
Buonas nuites Abelhon,
Mais ua beç faziste guapos bersos subre essa guerra que tantas bidas roubou a jobes chenos de sperança i eilusones cumo la desse mirandés Herculano.
Muitos parabienes i ua buona Páscoa.
Francisco Domingues
Enviar um comentário