LA BIDA DE L ANTIGAMENTE

Lhebánta-te que yá ye tarde
i tenes que te çpachar!
Bás a lhebar las bacas
i benes para almorçar.

Tue mai bai amassar
ua fornada de pan.
A la tarde you i tu
bamos a segar ferrian.

Manhana pula manhana,
an derretindo l carambelo,
bamos anté la feira
a bender un bitelo.

I nun fagas essa cara!
Nun seias pliquitrés,
q' inda te sujeitas a lhebar
un cachete de l alrobés!

You yá me bou, ah Marie!
A ber se tenes l almuorço pronto
más ou menos a mei die
para mi i este tonto.

Álvaro Galhardo