04/03/10

Outros çponeres i ouroras




Sentada na soleira de l silenço
Cerro ls punhos
Aperto l peito
Cerro ls uolhos
Para nun ber scapá-se
L sol que se çpon
Na redadeira racica.
Nó!
Nun será l redadeiro strelhumbre
De la tarde
Nien há-de ser l redadeiro frescor
De manhanas bibas
Cun cheiro a madressilba
I quelor de moras!
Nun será l redadeiro çponer
Ne ls braços agora cerrados!
Na soleira de ls mius silenços
Abro las manos
L coraçon
L´alma.
Cun cheiro a maçanas d´ Eimbierno
I quelores de girassoles de Berano

Haberá
Outros çponeres...
Outras ouroras...

Outros silenços...



2 comentários:

ACangueiro disse...

l çponer diç silenço, acocora la calor de renobo i ye anúncio de nuobo die.

beijos,

ac

Adelaide Monteiro disse...

Ls çponeres que tamien son partidas de l que mos quédan oulores, stórias, sabores i que queremos guardar an siléncios para que de nós nun se apárten.

Beisicos,

Delaide