18/12/08

Çponer de l sol



A las tardes, bolca l sol,
I bou-me para acolhá,
A bé-lo ir, quedo-me triste,
I digo: "Pa que s'eirá?..."

Bou apuis, miro outra beç,
I torno: -Yá se fui, yá!...
Oh! Quien te lhebou par'ende,
Te traia debrebe acá!

(Pe. Mourinho)



Falamos tanto de scritores de to ls lhados i ls nuossos?


3 comentários:

AF disse...

Buonas nuites, Zé Chico,

Nunca se falou tanto de ls nuossos scritores cumo agora, an bários lhados. Hai até blogues solo para esso. Eiqui, neste blogue, dá-se blogue als scritores mirandeses d'agora, als que quejíren. Cumo tu. Esso nun quier dezir que you nun ache bien que se pógan eiqui testos de outros que yá nun stan acá, cumo A. Mourinho. Cuntina.

Un abraço,
Amadeu

Unknown disse...

You cuntinarei siempre, anquanto podir, i ls tous testos stan siempre a la mano. Ne l HOIJE ténen ajudado an muitas oucasiones.
Quaije que yá sei de cor ls testos i até l sitio onde stan las cousas.
You solo quije lhembrar que yá tenemos tamien scritores mirandeses para fazer citaçones. Yá tenemos literatura mirandesa.

Un abraço
Almendra

AF disse...

Fazes, bien, Zé Chico, nunca pares.
Tamien tu fazes parte de la lhiteratura i de la stória de la cultura mirandesa.
Que l seias cada beç mais.
Un abraço,
Amadeu