Mas apuis ampeçei a mirar para uns retraticos que tengo i un deilhes sacado eiqui a dies, ne l Outonho, quando las fuolhas de las arbles se lhibértan i anton ye ber ne l chano tantas fuolhas armanas, que l chano queda cumo ua manta de farrapos.
I cun eilhas quiero dar ua acumparança, mas se calha l eisemplo que bou a dar nun ye l melhor, mas achei muita asparcéncia culas reglas i un deilhes cumo se puode ber las fuolhas stan todas bien certicas que la cumposiçon ye guapa.
Noutro yá nun ye bien assi.
Bien, culs retratos puode-se dezir que a uns le gusta la orde, a outros la zorde i son guapos todos, todo stá ne l modo cumo quien mira.
Mas buolbendo a las quatro reglas, para bien de todo i todos ye seguir-las, para bien de la scrita, de la cultura mirandesa, para bien de la mensaige que l blogue quier dar, pa la lhibardade, para que l respeito por to l mundo steia siempre bien persente.
Fazistes bien tornar a eilhas, cumo l fazistes lhougo a la nacença deste nuosso querido sítio.
1 comentário:
Ye purfeita la tue eimaige, Faustino, i mui guapos ls retratos que pones. La lhibardade ye esso mesmo, l dreito a la defréncia i l respeito pula defréncia de eideias. Respeito nun quier dezir cuncordar, quier dezir que podemos botar abaixo las eideias cun que nun cuncordamos ou amostrar las nuossas, mas nunca deixar de respeitar las pessonas.
Enviar um comentário