29/07/12
Tempestades
(cuonta, un cachico adaptada, retirada de l lhibro Ética para Amador de Fernando Savater)
Nua classe de bolo, l porsor faç algues preguntas al aprendiç de abiador.
Porsor: Eimaginai que stais nun abion, ben ua tempestade i çtrói l motor. Que fazeis?
Aluno: Contino a bolar cu l outro motor.
Porsor: Stá bien. Mas anton, ben outra tempestade e quedais sien esse motor. Cumo resolbeis l porblema?
Aluno: Cuntino cun outro motor.
Porsor: Mas ben ua tempestade i çtrói-lo. I agora?
Aluno: Tengo outro motor.
Porsor: Mas adonde ides bós a buscar tantos motores?
Aluno: Al mesmo lhugar adonde bós ides buscar las tempestades.
Subscrever:
Enviar feedback (Atom)
4 comentários:
Buonas nuites Firmino,
Ye berdade que “ne l mesmo lhugar adonde podemos ir buscar motores podemos ir buscar tempestades”. Esse lhugar ye la nuossa eimaginaçon.
L'eimaginaçon dá-mos la capacidade de mirar mais lhoinge, porque la bida nun ye un quadro pronto, ye si ua obra d'arte que se rebela cun ua nuoba pincelada d'eimaginaçon que se dá la cada die. Por esso aqueilha bielha mássima de bida “l prazer nun stá ne l'ato, mas si na eimaginaçon”.
Un abraço
Leonardo
Biba, Leonardo, cumo stais?
Hai que tiempos que nos bos bie por eiqui.
Ye esso mesmo: podemos ir buscar todo a l' eimaginaçon.
An relaçon al prazer, you dezerie que está ne l ato, se l ato fur feito cun eimaginaçon.
Abraço.
Biba, Firmino,
Todo bien, an preparatibos de la fiesta de Zenízio i a afinar la gorja pal Antercéltico, para adonde bou ne l próssimo Sábado.
An relaçon al prazer, tenes algua rezon, "se l'ato fur feito cun eimaginaçon" l prazer poderá atingir un mais eilebado grau. Mas nun squeças hai situaçones de salude, d'eidade, de coperaçon,... an que l prazer quaije solo se atinge pula eimaginaçon.
Abraço,
Leonardo
Teneis rezon, Leonardo :-)
Abraço,
F.
Enviar um comentário