SPOSIÇON DE JOANA VASCONCELOS SALIU CARA
La sposiçon de Joana Vasconcelos, patente ne l Palácio de Versalhes, an Paris, até 30 de Setembre, custou 2,5 milhones d'ouros. Quien pagou l quei?
Sin qualquiera ancargo financeiro pa l'atelié de l'artista, anformaçon beiculada al Spresso pula direçon de Versalhes i cunfirmada por Joana Vasconcelos, l'ourganizaçon de la mostra, montaige, trasportes, sigurança, siguros i quemunicaçon fúrun antegralmente custeados por denheiros públicos i mecenas pribados.
Las anterbençones de l menistro de ls Negócios Strangeiros, Paulo Portas (CDS), i de l persidente de la Cámara de Lisboa, António Costa (PS), al nible de la multiplicaçon de cuntatos cun ampresairos i anstituiçones nacionales, ne l sentido de ls "alertar" pa l'amportança de la sposiçon na balorizaçon de l'eimaige sterna de l paíç, granjeórun parte de la berba.
3 comentários:
Nun ye todos ls dies que ne l Strangeiro un/ua artista pertués/a cunsegue ter essa besibilidade, podeis tener la certeza Primo!
Custou denheiro essa expo?!
Tamien nun podie ser de graça mas talbeç nun seia esso assi i todo l mais amportante!
Bien mais antressante ye la formidable besibilidade que oufrece un palácio cumo l de Bersalhes para un artista pertués ou mesmo un artista seia el quien fur. Ye la purmeira mulhier (Hai que ber esso tamien) a poder sponer la sue obra cuntemporánea nesse monumiento que ye un de ls mais besitados a nible mundial.
Ye perciso ber "in loco" cumo a mi m'acunteciu hai solo 10 dies agora (Solo assi ye que un puode abauluar l berdadeiro ampacto que puode tener esse acuntecimiento) l númaro ampressionante de besitantes benidos de l mundo anteiro que ténen, talbeç pula purmeira beç na bida deilhes, la possebilidade d'admirar obras dun artista pertués.
Bonda tener esso an cunta para tener la certeza que essa expo ye ua aposta einesperada i talbeç única. I a quien dar ls parabienes an purmeiro lhugar a nun ser a Joana Vasconcelos eilha própria cun ua personalidade puls bistos fuora de l bulgar... ua artista, bal la pena saber esso tamien, que naciu finalmente an Paris.
Cumbén tomar todo an cunta afinal!
Ana,
You siempre beio l mundo cumo ua cousa cuncreta, la bida ye assi. Nun fiç comentários, nun diabolizei, solo quiç fazer ber que la squierda/dreita tamien púoden serbir para unir i nó para armar guerras de nas quales solo l pobo (çculpa Tortulhas por falar nel mais ua beç)queda a perder.
Nun podemos ser fanáticos!
Nien andar siempre a ber l mal l bien solo dun lhado.
Todos somos houmanos(fauna zoila i camaleóntica que bibe an la tierra).
Faç l que te pediu Antonho, porque bai a ser un die de berdadeira cultura i todo mundo bai a gustar!
Amigos de berdade son ls que mos dízen las cousas na cara, nó na cara de ls outros. I a las bezes todos merecemos uas nalgadas!!!
Un chi de tou primo
"queda a perder - perdidoso"
"l mal l bien - l mal i l bien"
Enviar um comentário