16/07/12

V - TIEMPOS - FRANCIA ANHOS 60


A la oupresson nunca mais sujeitos!

Somos eiguales todos ls seres:

Nunca mais deberes sien dreitos

Nunca mais dreitos sien deberes!




    Somos ls pobos de ls natibos
      
      Trabalhador fuorte e fecuundo.
       
         Pertence la tierra als pordutores

Ó parasita deixa l mundo!


6 comentários:

Ana disse...

Caro Primo,

Nun cheguestes a dezir quien fui l ou la retratista. Acho que debe de ser possible saber quien fui.

Todos esses retratos son assi i todo mui baliosos i móstran nun hai dúbeda ningua la realidade tal cumo la bíbirun muitos eimigrantes que fúrun pa la França ne l anhos 60 cumo tamien a nós mos acunteciu na nuossa familha.

Assi i todo, para mi, retratos cumo esses nun son nobidade ningua. Talbeç bos lhembreis dun testo miu que cheguei a eiditar ua beç na berson anterior de l Sendin an Linha. Tamien amentaba nesse tiempo de las "barracas". Acuntece que miu pai i mie mai soubirun assi i todo eibitar cundiçones cumo essas a que anfeliçmente, cumo yá mos contestes, fui cunfruntado l buosso pai.
Citei na altura, nessa anterior berson de l Sendin an Linha, un de ls lhibros mais amportantes que hai que lher un die para antender muitas cousas subre esses bairros de lhata adonde bibírun muitos de ls nuossos cumpatriotas na altura. Se la teneis bós la berson anterior, percurai i alhá ancuntrareis la refréncia que andiquei nessa altura. Dá esse lhibro por eisemplo ua respuosta a la pergunta seguinte:
Quien tubo la culpa que se chegasse a essas situaçones? You lhembro-me de l'outora de l Lhibro dezir que chegou a haber até a cierta altura un acordo antre l Stado Nuobo i l Patronato francés. I quien dirigie ls çtinos de Pertual i de la França ne ls anhos sessenta a nun ser Salazar por un lhado i l General de Gaulle (Home de Dreita assi i todo...) por outro.

Ora la Squierda, na altura, nomeadamente l Partido Comunista, cundanou l'eisisténcia de todos esses bairros de lhato que ampeçórun a aparcer ne ls arredores de Paris an particular i las cundiçones de total ansalubridade an que bibien ls sous moradores, muitos milhares cumo bien sabemos.

Hoje, hai filhos de eimigrantes que yá nun quieren saber de nada desses tiempos i nada anténden ?!!!
Anganhai-bos, Primo! Bien mais que pensais!

You por eisemplo para bos dezir la berdade inda me lhembro de tanta cousa!... You i muitos outros na realidade antre ls quales muitos tamien alhá stában nesses bairros de lhata. I houbo assi i todo quien chegasse a ir loinge ne ls studos i cun capacidade hoje i meios até para cuntar i mostrar l que chegórun tamien a cunhecer ne ls purmeiros anhos quando chegórun an França.
Decumentairos, filmes, lhibros, artigos, pieças de teatro... que améntan nesses tiempos i nessas realidades tamien houbo i inda hai!
Por esso, nun séiades sebero para quien nun merece. I pensai mas ye houmildemente que talbeç inda muito pouco afinal téngades lhido, pensado ou até partilhado.
Mas se aqui stais ye percisamente talbeç cun essa antençon...

Cuntinemos anton la nuossa caminada !

Ana disse...

Podeis cunfirmar que fustes bós que ls saquestes estes retratos ?

Unknown disse...

Tengo los sacados por mi de giente de Sendin que por motibos óbios nun debo poner eiqui.
"Por esso, nun séiades sebero para quien nun merece. I pensai mas ye houmildemente que talbeç inda muito pouco afinal téngades lhido, pensado ou até partilhado". Esta frase amostra bien l que sós! Ua aculturaçon de ls ajuntouros de giente de las ounibersidades i de la melitáncia. La sobérbia anteletual an pessona.
Yá li, fiç decumentários, bibi las situaçones. Muito mais que tu.
Tu sós de dreita an pessona i an pensares. Ye l sentimiento de culpa que te oubriga a querer ser de squierda.
La tue squierda!!!

Ana disse...

"Nun debo poner eiqui" l quei?

Pregunto porque la buossa frase nun ye nada clara...

Unknown disse...

Ls retratos de giente coincida tue para beres que son mius i bien mais antressantes!
Tu yá fuste cun passaporte!
Sabes l qu ye ir nun camboio cheno de giente que nien ganado?
Sabes l que ye passar a salto?
Quien scribe i fala dessas cousas nunca las bibiu!
Tu ye que nun sabes nada!
Anteletuales persunçosos ye l que son giente cumo tu.
You tengo diplomas de Ounibersidades, mas fiç todos ls eisames i andei a scuola. You nun studei para tener l canudo, mas para saber!

Ana disse...

Giente cunhecida mie?

Sou ancapaç de dezir you pessonalmente quien son las pessonas que stan nesses retratos i quando beio la pouca cunsideraçon cula qual stais agora a screbir ls buossos comentairos zde hai uns tiempos para acá, debo dezir que nien m'antressa!

Mas tenerei pul cuntrairo siempre cunsideraçon pulas pessonas que saben quales son ls sous dreitos berdadeiramente cumo tamien ls sous deberes. Ye esso a cierta altura l que mais antressa !!