L nacimiento de l mundo, Dali
A la purmanhana, arrinco las yerbas de l huorto. La tierra,
inda fresca, sal culas raízes; i mistura-se cun
la nubrina de la madrugada. L mundo, anton,
queda al cuntrairo: l cielo, que nun beio, stá
por baixo de la tierra; i las raízes chúben
a caras adonde nun se bei. D'andrento
de casa, assi i todo, un cheiro a café chama
por mi: cumo se alguien me dezira
que ye perciso spertar, ua segunda beç,
pra que las raízes médren por andrento de la
tierra i la nubrina, spargida, deixe ber l azul.
In: Meditação sobre Ruínas. Lisboa,
Livros Quetzal, 1995
Sem comentários:
Enviar um comentário