Un comentário nun queda cumpleto sien retratos por esso pongo eiqui l comentairo al testo anterior de l froles.
Esse luxo Ana, ye l que faç andar ls anteletuales, ls artistas, ls que bíben cul sudor de ls outros!
Quanta giente de l pobo trabalhou, passou fame, fui perseguida para eisistíren ls que ténen solo tiempo, para gozar l que cháman de cultura, de arte!
Ua música, un lhibro, ua pintura son arte.
I ua huorta nas arribas, i ua binha, i ua oulibeira cun un pardonico junto a ua fraga a la borda de l riu? Nun bálen nada? Nun son arte?
Naide ls amostra para se íren a ber!!
Quien ls fizo nun tubo subcídio! Naide l dou balor! Até ls filhos i ls nietos déixórun de ls ir a ber apuis de crecidos.
Mie mai, tia de tou pai, Ana, a arrancar patatas, miu pai yá habie muorto an Francia!
Son estas cousas que mos debíden Ana! Estes son ls miu artistas. ls mius idolos. Cun quien merendo i bebo un copo, cun quien falo mirandés. L mirandés berdadeiro. L que falában mius i tous abós, mi mai que nien ler sabie! Esses son ls pertueses de honra!
3 comentários:
Antes que me baia daqui a alguas horas…
Anton nun quereis que nós ls Pertueses que stamos an França déiamos amportáncia tamien a la cultura ?!
Mas esso nun m’ampidiu de ir a apanhar freijones inda hoije na mie huorta (Nun hai huortas solo an Pertual, sabeis ?) i daqui a uns dies tamien you ajudarei a arrancar patatas se fur neçairo! An Pertual ou an França cumo calhar.
Qual ye l problema ?
Ah, nun irei calçada pa la huorta culs tales çapatos “Marylin” i bós tampouco ??!!
Que pena anton! I de salto alto inda porriba!
P.S. Acá para mi, buossa mai tenie bien mais juízo. Ye berdade que ls tiempos éran outros.
Ana,
Cultura, dizes tu, mas que cultura?
La capitalista?
Esso yá you l sabie!
Mais ua de dreita que se quier fazer passar por porgressista!
Assume l que sós! Ua burguesa cun ambiçones a un titalo de nobreza!
Enviar um comentário