Soltes te las. Scucen se te lhágrimas de uolhos burmeilhos! La delor amorfanha teu peito. Ampossible aguanta las andrento. Sinto las mies que nun me salen para fuora. Abraço arrochado i pateminices que te pónen antre choro i riso. Soltas aboardas dreitas que nien setas para scapares a mais lhágrimas. Yeras tan sensible! Agora mais pareces ua piedra. Solo palabras soltas que nun te salen de coraçon. Outra maneira de lhibertares la delor que te agarrocha l'alma. L die habie de chegar, tal bózio de salida de teu bentre. Semiente sembrada que tanto regueste. Bolou!
21Feb2012
1 comentário:
Purmeiro soltan-se lhágrimas de l´alma i apuis
bolan semientes d´alegrie.
Guapo Antonho!
Enviar um comentário