L
La academie de Letras de Trás-Ls-Montes eilegiu ls sous cuorpos sociales i nada melhor que l bideo de la LOCALVISÃO para bos dezir cumo fui.
.
.
La academie bai a quedar anstalada na Biblioteca Munecipal de Bragança, que passará a chamar-se Biblioteca Adriano Moreira.
Porque l bideo tarda a aparecer, pongo l link:
10 comentários:
Biba, buonas nuites, porsor Almendra!
Talbeç nun seia mal que se saba que la Direçon de l'Academie son 5 pessonas, antre las quales 2 mirandeses: Amadeu Ferreira, que yá habeis de haber oubido falar, i l Bice-Persidente, Fernando de Castro Branco, grandíssemo poeta de Dues Eigreijas i porsor an Bergáncia, bien anjustamiente pouco coincido antre ls mirandeses - por anquanto!
Nun parece, mas Trás-os-Montes inda ye bien grande i inda hai muito quien scriba; 2 an 5 nun me parece mal i tampouco me parece que cun estes dous stéiamos mal repersentados; al menos you, cumo mirandés, tengo buona proua de ls ber alhá!
Abraço
You quedo perplexa al saber que la biblioteca scolhida ten l nome dun antigo menistro de l Stado Nuobo, sabeis !
Bien defrente ye l nome dado a las « mediatecas » que you frequento, aqui adonde moro :
- Guiraude de Laurac cunsiderada ua defensora de l catarismo, ne l seclo XII, i por esso mesmo cundanada cumo heirética pula Eigreija, na altura. Fui deitada inda biba para dentro dun poço i cubierta de piedras !
- Ou tamien: Marguerite Yourcenar, eiminente specialista de lhiteratura grega i lhatina, que fui la purmeira mulhier a ser eileita an 1980 para fazer parte de l’ "Academie Francesa", depuis de haber sido eileita para ser membro tamien de l'"Académie royale de langue et de littérature françaises de Belgique" ... outras academies.
N.B. Yá por dues bezes, tento ber esse bídio. Nada aparece !
Mas squeci-me de dezir:
essas dues "mediatecas" de que falo son tamien municipales. Mais municipales, nun puode haber !
Inda nun antendi porque l bideo nun aparece, por esso pongo l link para poderes ber.
http://videos.sapo.pt/UJPhbL5SzCGezmaliiiC
A pus Si ! Oubrigadu que you tamiên nun'l vie mas nun dixe nada pensandu que yêra'l miu purgrama que tenie seguridades a mas.
Tengu un purgrama que me permite sacar las publicidades todas y pensei que tamien m'habie tiradu aquesse vidiyu.
Nun sei cume ye que vos metistes al vidiyu mas hai que fazer assi :
1- copia'l codiyu anfurmaticu llougu an baixu'l vidiyu d'onde diç : "Blogar video".
2- açpuis no blogger, adonde screbiês al textu carregais nu buton que diç "HTML" y culais alla'l codiyu.
3- açpuis carregais nu buton al lladu adonde diç algu cume "escrever texto". Y cuntinais a screbir de maneira nurmal.
Ye assi que fazeis ?
Ana, Purtual nun yê França. Dende pensa-se de maneira defrente.
Cul nome dadu a la bibliotéca essa, ye cume rememurar l'home cu'las obras lliterarias que fizu... y no las outras.
La mesma cousa acuntece an Spaña cun Menendez Pidal qu'atiraba muitu pal lladu de l'outru chapuçu, tamiên.
Anton Thiegui, cuntemos a dezir aqui alguas cousas :
Esse antigo menistro de Salazar dixo nua antrebista que se puode ber na Anternete que chegou a dar qualquiera cousa cumo 12 000 lhibros para essa tal biblioteca. « Ye ua modesta cuntribuiçon ! » chegou el a dezir. Mas bien cego ye aquel que nun se dá de cunta que al aceitar que la dita biblioteca tenga finalmente l sou próprio nome, inda porriba an bida, l’home nun faç proba de tanta modéstia na realidade cumo el pretende.
You chamo esto : mais ua tentatiba camuflada de BRANQUEAMENTO DE L SALAZARISMO.
N.B. Esto faç-me pensar que tamien you tengo caixas chenas de lhibros que tamien quiero dar a bibliotecas. I depuis ? Cumo se fusse ua cousa de l outro mundo !
Hei, Tiégui!
You fago siempre assi cumo dizes, mas yá sprumentei mais modos i nada. Ls bideos de l SAPO nun dében ser cumpatibles.
L melhor ye fazé-los you, mas hai sitios adonde nun puode antrar l'HOIJE.
Enviar um comentário