Tiu Demingos Caleijo, fui ua de las pessonas mais cariçmáticas de Fuonte Aldé.
Muitas son las cuontas i ls ditos de tiu Caleijo, mas un de ls mais afamados ye l de l sacho.
Ferreiro de profisson, fazie ua reilha sin para eilha mirar, quatro porradas cun l malho i esta temaba forma anquanto l diabo diç berça.
Mas un sacho!... nó, a Caleijo un sacho nun se l'ajeitaba.
"- Caleijo, fais-me un sacho"?
"- Fago! bien nó, mas fazer, fago".
Home hounrado i trabalhador, amigo de l sou amigo, gustaba de oufrecer ua pinga, que por sinal la tenie buona. Nun sei por bias de l rugido de la frauga, tenie tiu Caleijo ua boç fuorte que quando falaba subertie porriba de las outras tal i qual como l rugido de ls malhos smagando i dando forma a las ferramientas de la lhaboura.
1 comentário:
Amigo Féleç,
Pessonas cumo Tiu Caleijo sabien muito i muita de la sue sabedorie quedou ne ls ditos i lhonas. You yá oubi falar muito del, mas pouco sei.
Mira anton a ber se mos dás a coincer melhor esse tiu Caleijo, que tanto mos puode ansinar.
Bien haias por todo. Un abraço,
Amadeu
Enviar um comentário