07/08/09

Hai baile ne l Toural

Stamos ne l més de zanferrujar las piernas, la calor de las nuites de Júlio yá se scapou i la melhor maneira de las calcer ye bailando i lhembrando ls cumbíbios que antigamente animában bielhos i nuobos...

Num hai cume un baile na rue!






Porgrama:

15h – Oufecina de danças mirandesas

“Se nun sabes daprendes!”
16h- Ampeço de l Baile:
“Antre fandangos i jogos de ruoda!”
19h30 – Cena ne l Toural (Cochino no speto i mais l que se bera, todo buono i barato):
“De barriga bazie nun hai alegrie”
- Apersentaçon de eimaiges
21h – Ampeço de l Baile:
“Nun hai cumo un baile na rue!”

Por todo l Die:

Sposiçon de Retratos de l Rancho Folclórico Mirandês de Duas Igrejas:
“Lhembrar l antigamente”

La animaçon quedará por cuonta de todos ls musiqueiros que téngan gana de poner la giente a beilar.

"La bida ye un fandango i hai que beila-lo!”António M. Mourinho

2 comentários:

AF disse...

Buonas tardes Suzana,

Ye un gusto mui grande ber-te eiqui a partecipar ne l nuosso blogue i a fazer parte desta baliente quadrilha. Inda porriba a aperponer-mos esse porgrama tan antressante.

I biba Dues Eigreijas i la mais guapa gaiteira de l Praino!

Un beiso amigo,
Amadeu

R disse...

Se stubisse por ende acerca, puodes crer qu'iba al beile. Adoro beilçar. Buonas bacanças ó buono fin de sumana.