Stá ne l tiempo de las brebas i tan saborosas queilhas son.
Quando era garoto, las purmeiras que aparecien nas feiras para mercar benien de baixo, nun serie de tanto abaixo, mas cuido de tierras que tenien las sues fieiras nas arribas mais acerca de l riu Douro.
Quando era garoto, las purmeiras que aparecien nas feiras para mercar benien de baixo, nun serie de tanto abaixo, mas cuido de tierras que tenien las sues fieiras nas arribas mais acerca de l riu Douro.
5 comentários:
Buonas nuites Faustino,
Bengo solo a fazer-te ua pregunta subre ls tous tan guapos retratos: porque dizes «fieira» an beç de «figueira»? Ye assi que se diç an Zenízio?
Un abraço arrochado,
Amadeu
Amigo Amadeu
Ye berdade, an Zenízio quanto you me lhembro, dantes i agora, diç-se figueira, i até tube screbido figueira. Apuis fui a ber l bocabulairo i ten las dues i an purmeiro fieira, deixei quedar esta.
Ua regla que tengo ye poner la que stá an purmeiro ne l bocabulairo, porque ye lido por muita giente, tamien ye berdade tenendo las dues se debe screbir cumo se diç an nuossa tierra.
Ye l mesmo que Rue, que até un die alhá a falar cula tie Arminda a la mie puorta dezieste que quedaba bien ruga, porque alhá to l mundo diç ruga.
Muito oubrigado pula percura.
Un abraço
Faustino
Buonas nuites, amigo Faustino,
Antendo l que dizes, mas esse bocabulairo solo se lhemitou a poner las palabras que íban aparecendo ne l Nordeste, nun querendo ser normatibo. Se el tubir dues palabras screbidas debe de scolher la que le corresponde a la tue fala. Ye l que you penso, mas fazerás cumo achares melhor.
Un abraço,
Amadeu
Buonos dies amigo Faustino,
You stou de acordo cun Amadeu i acho que debemos screbir cumo daprandimos an pequeinhos. Mas, claro que las dues maneiras stan ciertas i ye ua queston de scuolha.
Adonde çcubriste la figueira tan pimpona? Decierto nun fui an Zenízio.
Un abraço,
Francisco
Buonas tardes amigo Francisco
Esta figueira fui ancuntrada porqui adonde moro
Enviar um comentário