16/10/08
Sopas de pastor (de unto)
Sopas de pastor (de unto)
L que ye perciso:
- Ua colher ou talhadica d’unto (arrimado a 50g)
- Fatilas de pan de centeno (cul tamanho arrimado a 200g)
- Sal q.b.
- Auga
Cumo se fai:
- Rija-se (derrite-se) nua fregideira l unto;
- Noutra (ou pote) ten-se l’auga a ferber;
- Bota-se l unto derretido n’auga a ferber i ajunta-se sal (q. b.);
- Nuas malgas ten-se las fatilas de pan de centeno;
- Bota-se l’auga cul unto porriba de las fatilas.
Anformaçon:
- Tamien se puode scalfar uobos ne l’auga de l unto, que se pónen nas malgas anriba l pan;
- Estas sopas cómen-se a la purmanhana ne l Eimbierno antes d’ir pa l campo;
- ye quemido de ls pastores porque ye fácele de fazer.
- L unto debe ser de cochino.
Obs: Nun pongo retratos porque inda nun ténen oulor.
I estas sopas cheíran tan bien!
Subscrever:
Enviar feedback (Atom)
4 comentários:
Tamien se puode poner um diente d´alho.
Isso e ls caldicos de miu abuolo Xico de Palaçuolo...
You inda hoije las fago you i las como, mas cun un diente d'alho i l uobo.
Só puoden quedar melhores inda essas sopas de pastor (i de pastora!) cun un diente d'alho smagado até cula lámina dua faca i puosto un cachico tamien a cozer sien squecer un ramico de salsa cortada até culas póprias manos ou melhor inda uas folhicas de coentros que só stában a la nuossa spera (i até chamában por nós!)para esse eifeito na hortica que queda mesmo al lhado de casa.
Ye un suonho que ten que se tornar rialidade... Custe l que custar !
"Sopas de pastor ou de pastora" ?!!
Ai, mai!
N.B. L que nun sei assi i todo ye se la palabra "coentros" tamien se ousa an mirandés cumo tamien nun sei se essa planta aromática faç rialmente parte de las tradiçones culinárias mirandesas. Mas por bezes tamien nun faç mal einobar.
Enviar um comentário