29/10/08

L Boeiro



D’atrás habie, ne l mais de las casas de l Praino, un moço que iba mais bezes que ls outros cun las bacas pa l cerrado ou cun l tagalho d’oubeilhas, era l boieiro. Mas ne l tiempo de cebar ls recos, a las bezes mandában-lo a yerbas pa l cochino, puls prados i puls caminos, cun ua faca bielha i ua cesta. Habie que cebar l reco para que fusse al talho, quier dezir, para que chegasse a la matáncia que era ne l més de Dezembre. Habie quien matasse ne l més de Nobembre, mas ne l giral era an Dezembre. Cumo l santo que guarda ls animales de corte i ls de l campo, ye San Sabastian.




An Sendin, al passar por la capielha del, costumbrában cantar ua cúrtia ouraçon que you bou a screbir tal qual la screbiu l Pe. Mourinho, an sendinés:

Sã Sabastiã!..
Dá-me del pâ!..
You bâo a eirbas
Pal tâo cutchinôikho
Apúis ã l m
atando,
Dás-me del rabôikho.


3 comentários:

Unknown disse...

Félç disse...
eheheheh tiu Almendra, parece que estou a oubir la ouraçon a un sandines.

29 de Outubro de 2008 22:04

Unknown disse...

Boieiro disse...
Buonas tardes

Antón l boieiro tamien anda cul tagalho?! Esse nun serie l pastor? Inda que lhebasse ua ou dues canhonas/cabras junto culas bacas, mulas ou burros, meio meio ... mas, an cada ruoca sou fuso e an cada tierra ...

Abraços

30 de Outubro de 2008 14:54

Unknown disse...

franciscobelharino disse...
Buonas nuites Almendra,

L boieiro solo iba cun las bacas i l pastor cun las canhonas nien que fusse solo un tagalhico.
L que se apanhaba pa ls lharegos ne ls meses de Febreiro i Márcio, ne ls restrolhos, éran cardos para fazer uas balientes caldeiradas cozidas.
La ceba a sério ampeçaba an Qutubre, quando la calor yá tenie ido ambora i era feita cun bóbidas, patatas, farelos, farina i granos de cebada i centeno. An Nobembro, lhougo que ampeçában las geladas las casas mais probes fazien las matáncias, las remediadas fazien-las an Dezembre i las mais ricas solo apuis de l anho nuobo. Isto era tamien un modo de mostrar se las casas tenien fame ou fartura.
Un abraço.
Fancisco

31 de Outubro de 2008 0:18