19/06/13

Stamos-mos cagando pul futbol !!






You nun conheço Rafinha Bastos mas gostei de l oubir.
Çcubri este bídeo que ajuda tamien a antender l que se stá passando nestes dies ne l Brasil.
Un spertar de cunciéncias !
Pessonas que stan fartas de suportar anjustiças i  que quieren ua berdadeira democracie !
Nun paíç que yá nun quier ser cunsiderado só cumo un paíç de futebol, de praias i de carnabal.
Un paíç adonde las pessonas puodan protestar lhibremente sien séren biolentadas pula polícia cumo anfeliçmente acunteciu nestes dies.




2 comentários:

leonardo antao disse...

Buonas nuites Ana Marie,

Ye ua lhuita por ua buona causa, esta de ls brasileiros cumo Rafinha Bastos, que lhuitan contra la corrupçon, contra la mala admenistraçon i la mala geston de ls recursos públicos i esto, por si solo, ye lhoubable.

Bien-habas pula dibulgaçon deste antressante bídeo.

Un abraço
Leonardo

Ana disse...

L Brasil ye un de ls paizes de l mundo adonde hai mais zeigualdades sociales! No fundo, cumo se inda stubíssemos an tiempos cumo l'Eidade Média. Ua bergonha !

I ua bergonha tamien un ber que an Pertual, na quemunicaçon social, na RTP por eisemplo, l correspundiente ne l Brasil, un chamado Miranda, ansistie subre la bioléncia que chegou a eisistir assi i todo nas manifestaçones.
Mas l mais amportante ye dezir que La maior bioléncia que puode eisistir i que dou ourige a todos estes protestos, estes últimos dies, ye l roubo ourganizado i a grande scala que ye feito contra la maiorie de la populaçon brasileira: muita riqueza cunfiscada por uns quantos dispuostos alguns até a matar i a destruir para cuntinar a séren eilhes ls duonhos de todo sien nunca ou quaije séren anquemodados cumo debie de ser. Ye esta, inda hoije, la realidade ne l Brasil. Bien pior, se furmos a ber, que la crise que tenemos an Pertual mesmo que esta seia grabe.

Speremos que la presidente seia capaç de reagir i antenda l que muitos le piden para que haba mais justiça nesse paíç.