Querido!
Deixa-me de procissones,
de folares feitos cun uobos
i carne de cochino…
Lhieba-me mas ye a ber cinemas
i cunta-me stórias de amor !
Nó stórias de muorte !
Querido...
de folares feitos cun uobos
i carne de cochino…
Lhieba-me mas ye a ber cinemas
i cunta-me stórias de amor !
Nó stórias de muorte !
Querido...
Solo m’antressa
la mie, la tue,
la NUOSSA paixon !
la mie, la tue,
la NUOSSA paixon !
P.S. L'atriç francesa Juliette Binoche ye ua de las mais premiadas até a nible mundial. 
8 comentários:
Buonas nuites Ana Marie,
Querida ye alguien que mos antende a la çtáncia, por maior qu'eilha seia, sin tener de splicar muita cousa.
Páscoa Feliç,
Leonardo
Ten rezon Leonardo, mas squeciu-se de acrecentar que querido tamien ye alguien assi.
Agora Ana, la bida ye ua cousa cuncreta i para quien nun acradita ne l relegioso ó ne l trascendiente, ye feita de bida i de muorte. Ye feita de amor i desamor ye la natureza an eiboluçon. I ne l camino de la eiboluçon nun bai solo l'home que quier ser dius inda que diga que nun acradita que ls haba.
Buona Pascoa cun amor, mas tamien cun folares i choclates.
Filmes até son mais cousas del sprito que de l animal home. Filmes son eilusones que stan mais acerca de diuses que de la natureza.
You cumo acradito nas dues partes de l'home tamien gusto de filmes, mas será que sien l cuorpo sano haberá lhugar pal sprito neste mundo?
Beisico
Tou primo Zé
Buonas tardes Almendra,
Ye berdade si senhor “que querido tamien ye alguien assi” que percebe a la çtáncia, sin tenermos de splicar muita cousa.
Pa ls mius "queridos” amigos de l peito, Ana i Almendra, ua Páscoa Feliç.
Leonardo
Buonas tardes, Amigos apreciadores de poesie,
Qualquiera cousa me diç (stou antimamente cumbencida desso !) que bastarie un choclate afinal, un choclatico cumo esse « mon chéri » oufrecido por ua francesa guapa cumo essa Juliette Binoche, para quedardes bós tamien de boca abierta : cumo ne l cartaç desse filme l ator percipal yá cun cara de « pirata de las Caraíbas », un de que sónhan hoije quaije todas las adolecientes…
Mas cumo you bos antendo ! Essa Juliette yá nun ye ua adoleciente qualquiera mas si ua mulhier de eidade madura, alguien que sabe !
Dua maneira ou doutra ye urgente ancuntrar soluçones nesse nuosso querido Pertual para oumentar la taxa de natalidade… Solo cun procissones i folares, tengo pena de bos lo dezir nun chega !... Zambolbendo mas ye eimediata i cunsiderablemente las relaçones cun San Tomé i Príncipe por eisemplo ye ua eibidéncia ! Anton se l choclate que alhá se produç ye un de ls melhores de l mundo i nun paíç adonde inda porriba se fala pertués ye ua pena ls nuossos cumpatriotas nun séren mais spiertos i nun sabéren tamien aprobeitar mais que l que aprobéitan !!
Mas esto claro ye só ua sugeston ! Quien sou you para splicar de l strangeiro l que ls Pertueses deberien de fazer ? You que sou francesa tamien i que gusta de choclate…
Buonas tardes, Amigos apreciadores de poesie,
Qualquiera cousa me diç (stou antimamente cumbencida desso !) que bastarie un choclate afinal, un choclatico cumo esse « mon chéri » oufrecido por ua francesa guapa cumo essa Juliette Binoche, para quedardes bós tamien de boca abierta : cumo ne l cartaç desse filme l ator percipal yá cun cara de « pirata de las Caraíbas », un de que sónhan hoije quaije todas las adolecientes…
Mas cumo you bos antendo ! Essa Juliette yá nun ye ua adoleciente qualquiera mas si ua mulhier de eidade madura, alguien que sabe !
Dua maneira ou doutra ye urgente ancuntrar soluçones nesse nuosso querido Pertual para oumentar la taxa de natalidade… Solo cun procissones i folares, tengo pena de bos lo dezir nun chega !... Zambolbendo mas ye eimediata i cunsiderablemente las relaçones cun San Tomé i Príncipe por eisemplo ye ua eibidéncia ! Anton se l choclate que alhá se produç ye un de ls melhores de l mundo i nun paíç adonde inda porriba se fala pertués ye ua pena ls nuossos cumpatriotas nun séren mais spiertos i nun sabéren tamien aprobeitar mais que l que aprobéitan !!
Mas esto claro ye só ua sugeston ! Quien sou you para splicar de l strangeiro l que ls Pertueses deberien de fazer ? You que sou francesa tamien i que gusta de choclate…
Buonas tardes Ana Marie,
A propósito de poesie i de mulhier, relembo-bos ua frase de l miu houmónimo Leonardo da Vinci : “ la pintura de ua mulhier ye cumo ua poesie que se bei i nun se sinte, i la poesie ye cumo ua pintura de ua mulhier que se sinte i nun se bei”.
Páscoa Feliç.
Leonardo
Quien nun quedarie de boca abierta?
Fago mies las palabras de Leonardo:
“ la pintura de ua mulhier ye cumo ua poesie que se bei i nun se sinte, i la poesie ye cumo ua pintura de ua mulhier que se sinte i nun se bei”.
Nun bos puodo mandar un choclatico, mas la mie casa stá abierta para l benirdes a comer.
Páscoa Feliç para ls dous i para ls que mos léien.
Tiu Almendra
Buonas nuites Almendra,
Agradeço l cumbite, cun muita sastifaçon, mas passei la Páscoa na Charneca de la Caparica, para adonde arranquei na passada Quinta al fin de la tarde i donde regressei onte a la nuite, pul que solo agora tube ouportunidade de bos agradecer.
Cuntinaçon de buono período pascal,
Un abraço,
Leonardo
Enviar um comentário