Se hoube quien dessisse que l mundo se acabarie an 2012, hoube quien respundisse que l melhor yera acabá-lo an poesie. Anspirado ne ls poemários de la eiditora Assírio & Alvim, Jorge Amaral de Oliveira criou ua agenda que ajunta poemas screbidos an bárias lhénguas (pertués, mirandés, castelhano, francés, crioulo, anglés, grego antigo, etc.), uns de l' outorie de eilustres çcoincidos, outros de poetas cunsagrados.
Chegada finalmente a Pertual, l' eidiçon an papel de la "Folhinha Poética" salirá ne l próssimo demingo 29 de Abril de 2012, pulas 18 horas, na lhibrarie Fabula Urbis (Rue de Augusto Rosa, 27, Lisboua). Haberá un pequeinho sarau i ua recuolha de poemas para l' agenda de 2013 (l mundo nun se acabará este anho i la poesie tambien nó).
Beni a ler un poema, cantar, tocar ó dançar! L' antrada ye lhibre.
1 comentário:
Ye rialmente ũa pena star tan lhoinge de l Praino, ne l outro lhado de l Atlántico, i nun poder çfruitar daquesses eibentos subre la lhéngua.
Enviar um comentário