Cartel a l'antrada de Costantin
Mas que barbaridade aqueste cartel ! Yá bai paraa dous anhos que lo beio aende sin modeficar... mas bós nun bedes que ten Costantin alhá screbido i açpuis ten Cicuiro i Samartino an Purtués ! Oh ! Caralho s'outro die inda pensei fude-lo cula gadanha. Mas açpuis pensei i pensei, puxei pula cachimónia i bieno-se-me l'eideia d'ajuntar alhá los berdadeiros nomes de los pobos la raia d'adonde son los mius pais; Cicuiro i Samartino.
I assi fui, l'ampersora corriu la tinta nas fuolhas i you tode cuntento, yá a meie de la nuite, fui-me a fazer aqueste ato de terrolismo lhenguistico. Fui lhougo assi que se spuso al sol, nun seia qu'un de la GNR me bissa.
Ye de notar que la cunbençon da cume normatibo San Martino i no Samartino. La berdade ye que toda la gente que you conheço siempre dixo Samartino, i assi screbi.
Debrebe mas atos de terrolismo lhenguístico...
4 comentários:
Se la guarda te acaças bás preso!
Esso ye pior que ir a roubar patatas.
Mas mira que bai a chober i alhá se ban las palabras an mirandés.
Abraço,
Cecílio
ps: apuis pul menos te bejitarei na cadena yá que nun tube la ouportunidade de me ajuntar a bós na Trindade :-)
ps2: Estes comentairos mei an chinés cuido que son murraça, pul menos traduzi un ua beç i tenie alhá cousas menos própias...;-)
Buonas nuites,
Esses comentairos an chino ou japonés ou seia l que fur son SPAM i stubimos quaije para quedar sien blogue por bias desses almanechas, que l blogue yá stube suspenso dous dies, anque las pessonas nun se díran de cuonta.
Nun sei cumo ye que se cerra la puorta a essa giente. Yá me lhembrei de solo deixar fazer comentairos a la giente de la quadrilha, mas esso tamien nun era buono, mas al menos librabamos-mos dessa mixinga.
Un abraço,
Amadeu
Buonos dies.
Amigo Tiégui, gostei da graça. Foi inteligente. Tenho é algumas dúvidas se fizeste bem em "confessá-lo".
Amigo Amadeu, nas configurações do blogue, há uma opção que nos obriga a teclar um código gerado automático, para podermos publicar comentários. Isso normalmente chega para afastar o spam. Ainda há outra opção, que é activar a moderação de comentários. Isso significa que só aparecerão os comentários depois da aprovação do administrador do blogue. Talvez seja a melhor maneira.
Um abraço.
Buonas tardes a todes,
Ye bien pior que ir a roubar batatas por isso ye que you falo d'atos de terrolismo lhienguistico :)))
Antes que chuôba, Scalhabrés, antes d'isso, hai los fasistas i los einorantes que ban alha a puner la pata. Habie feito assi pra Cicuiro, i lhougo dous dies açpuis houbo quien tantou arranca-lo...
Si claro Fir que fize bien an cunfessa-lo. Purque you quiero qu'outro fagan eigual. De tod'las maneiras la gente sabe bien quien fui, sien you eiqui cunfessar.
You lembro-me qu'al caderno quedou fechado an Julio durante un tiempo acho, mas nunca se soubo purquei.
La maneira de comentar pra mi sta buona.
Enviar um comentário