Alguns “Dito Dezideiros” de l més d’abril

-Abril diabril matou a miu pai na arada.

-Abril friu i molhado, inche la tulha i farta l ganado.

-Abril friu, pouco pan i muito bino.

-Abril lhieba cuiro i quadril.

-Abril molhado anho abonado.

-Abril un buono antre mil.

-Abriles i jornaleiros poucos i buonos.
-An abril queima la bielha l mandil.
-An abril, cada pulga dá mil. 

-Ambierno de márcio i seca d’abril, déixan l lhabrador a pedir.

-An abril augas mil. 

-An abril augas penheiradas por un mandil.

        -An abril cada canha sou fuzil.

-An abril cénan ls moços sien candil.

-An abril nun topes na nariç

-An abril, a la gilada sigue la zgraniçada.

-An abril, bai adonde debes ir, mas torna al tou cobil.
-Ne l ampercípio i ne la fin, ye questume abril ser malo.

-An abril, froles, quelores, amores i pregadores.

-An abril, un pan i un mandil

-L’auga que ne l berano há-de regar an abril i maio há-de quedar

-Nun hai més mais eirritado que abril anraibado,

-Quando ben márcio airoso, abril ye chobioso
-Quien an abril nun barre l’eira i nun rega la lheira, anda to l anho an canseira.
-Ua auga de maio i trés d’abril balen por mil.

-Seca an abril deixa l lhabrador a pedir.