Yá eiqui bos tengo falado de miu cumpadre Zé. L´home ne ls últimos tiempos ten mudado tanto que you a las bezes nin l´antendo dreito. Que si que las cousas mudan, i que ls homes mudan tamien, mas el si que ten mudado muito.
L´outro die, staba-me, cun ua cumbersa que you al ampercípio nin l staba a antander. Dezi-me el:
Á cumpadre oulhai que un home oube cada ua que nin se atrabe a acraditar.
Ai!,... anton ye assi tan mala la cousa?
Ye mala ye!,... oulhai nunca pensei oubi-la, i cuntinou el. Anton un home puode pensar que ye un nuobo messias, que ou todos faien l que el quir, ou l Mundo fica strampalhado.
Nun stou a antender nada. Porque l cumpadre nun pon las cousas a dreito?
Pus bós nun oubistes aquel politico a dezir, que se el nun andreita Pertual naide l bai a andreitar.
O!, essa ye buona, yá la oubi ne ls mius tiempos de moço. Nun acrediteis cumpadre nisso, que quin diç isso nun antende la rialidade.
Pudeis tener rezon cumpadre dixo-me el , mas que quedei preacupado alhá isso fiquei.
Valter Deusdado
Subscrever:
Enviar feedback (Atom)
Sem comentários:
Enviar um comentário