03/10/13

DIE ANTERNACIONAL DEL EIDOSO

L DIE DE L EIDOSO
1
Hoije ye l die de l eidoso
Que ambelhecer ye normal
I nesta fase de la bida
Bibir-la ye l principal
2
Ir bibindo un die de cada beç
Para mais depressa se passar
Deixando las precupaçones
Pur cuonta de l nuosso Lar
3
Bamos ampeçar pur bibier
Las oupurtunidades que nos dan
Pur isso bos digo a todos
Bamos a festejar cun animaçon
4
Nós tamien yá fumos garotos
Andubimos na ounibersidade
Tiempo esse que yá passou
I que mpos deixou suidade
5
You fui na ounibersidade de la bida
Que tube que d´aprander
Todas las manhas de la bida
Pa la puoder bencer
6
Que las próprias deficuldades
Mos lhebórun a la ounibersidade
Adonde aprendimos a trabalhar
Para ua bida de berdade
7
Guardemos bacas i canhonas
Cabres chibicos i bitelos
I hoije yá tenemos suidades
D´aqueilhes momentos tan bélos
8
Fui cula ounibersidade de la bida
Que andubimos a d´aprander
A trabalhar i amanhar la tierra
Para na bida puoder biber
9
Namoremos i mos casemos
Seguimos ls nuossos trilhos
Fazimos i depuis criemos
Ls nuossos queridos filhos
10
Depuis yá furun eilhes
Que fazirun trabalhos cumpletos
I mos dórun para nós criar
Ls nuossos queridos nietos

11
De pripécia an pripécia
Momentos quedórun cumpletos
Fui l momento de ber aparcer
Ls nuossos queridos biçnietos
12
Cu la alegrie dels biçnietos
Ls dies furun indo ambora
I furun eilhes que mos atirórun
Para esta bida que tenemos agora
13
Ls anhos furun passando
I las nuossas fuorças faltando
Ls pelos brancos aparcendo
I las delores aumantando
14
Nun aceitemos las mudanças
I la bida, bira ua chatice
Más nun puodemos fazer nada
Purque stamos na belhice
15
Más tenemos que la aguantar
Cumo fázen ls buonos cristianos
I neilha bamos seguindo
Metendo ls pies pulas manos
16
Más pals filhos nun era bida
Que tenien que ir a trabalhar
Pansando l melhor para nós
Furunmos a anscreber ne l Lar
17
Chegando l die de la chegada
Fazimos alhá nuobas amizades
I de la nuossa rica bida
Quedórun apenas las suidades
18
Hoije stamos eiqui todos juntos
Festejando l die de l eidoso
I recuordando aquel momento
Que mos fui mais marabelhoso
19
Fai sempre bien recuordar
Nun mos puodemos squecer
Yá diç la sabedoria de l Pobo
Que recuordar ye biber.

José António Esteves



Sem comentários: