Sou la fiesta de las gaibotas a beilar la bida,
quanto mais resbalina mais apetecida
I se hai poesie an cada cachico de cielo
Cada granico de soudade sou you
Sou cada passo de dança
lhebeza ancarnada, arenal sien fin
Sou este mar i esta fame sien nome
Nin sei se tornarei als braços an que naci
Zanraizada serei
La poesie nun ten nial nien lhei
i hoije sou deiqui
Teresa Almeida Subtil
— em Paria de Matosinhos.
1 comentário:
Á mulhier! Nien sei cumo inda nun te caíste... Pareces ua boladeira. Armas tu cada ua! Nun t´aporcates que inda l mar te arrastra tan ambaída que andas!
Un chi
(Mira que ancandilei-me a mirar pa la boladeira que nien li l poema. An pie de l mar há-de cheirar a maresie i boç de charrascas ancostadas al oubido)
Enviar um comentário