L'amperador Cláudio II, durante sou gobierno , proibiu la rializaçon de casamientos an sou reino, cul oubjetibo de formar un grande i poderoso eisército. Cláudio acraditaba que ls moços, se nun tubíssen família, alistar-se-iban cun maior facelidade.
Inda assi,
un bispo romano cuntinou a celebrar casamientos, mesmo cula proibiçon de
l'amperador. Sou nome era Balentin i las cerimónias éran rializadas an segredo.
La prática
fui çcubierta i Balentin fui preso i cundenado a la muorte. Anquanto staba preso, muitos moços jogában flores i belhetes dezindo que ls moços inda acraditában ne l'amor.
Antre las
pessonas que jogórun mensaiges al bispo staba ua moça ciega, Artérias, filha de
l carcereiro, la qual cunseguiu la permisson de l pai para bejitar Balentin.
Ls dous
acabórun apaixonando-se i, milagrosamente, la moça recuperou la bison.
L bispo
chegou a screbir ua carta d'amor pa la moça cula seguinte assinatura: “de sou
Balentin”, spresson inda hoije outelizada.
Balentin fui
decapitado an 14 de Febreiro de 270.
5 comentários:
Buonas nuites, Leonardo.
Anton mas San Balentim morriu-se por amor al amor ó por amor al casamiento?
Abraço,
F.
Buonas nuites, Firmino,
Buona pregunta. Talbeç tengas rezon, morriu-se mais por amor al casamiento qu'al amor.
Abraço,
Leonardo
Buonas nuites, Leonardo.
You staba solo a meter-me cun bós. Bai-se a ber i, se calhar, San Balentin solo casaba las pessonas quando habie amor.
Yera tan buono que todos ls "casadores" tubíssen l mesmo critério.
Abraço.
Buonas nuites, Firmino
gustei de la buossa brincadeira, por esso bos dei ua repuosta rápida, tamien a brincar, porque l'amportamnte ye nós irmos screbendo un pouco de mirandés, cumo ua forma d'animar al nuosso stimadoProfessor Amadeu Ferreira.
You stou d’acordo que, San Balentin solo casaba las pessonas quando habie amor porque acradito qu'el tamien bibiui cun amor i que cunclui , cumo screbiu la Ana Marie que inda “nun s´ncuontrou nada de melhor" que l ‘amor.
Buona nuite Fir i namora muito cula tue tie. Yu culas lhemitaçones de l'eidade i tamien cun alguns proplemas de próstata, probcuro namorar cula mie tie, l mais i melhor possible.
Un Abraço,
Leonardo
Enviar um comentário