Ne l berano de 2012, antegrada ne l Festival Interltico de Sendin, l'organizaçon atrabeç de l porsor, Dr. Amadeu Ferreira, (puis fui l pormotor i coordenador) pormobiu la lheitura de "ls Lusíadas" an mirandés.
Einiciatiba nunca dantes bista i la mais taluda seçon de lheituras na lhéngua d'ourige de la region de Miranda de l Douro, ou seia an mirandés por personas de las mais bariadas eidades, ouriges i oufícios.
Porque ye siempre buono relhembrar, porque ye siempre buono calcer l'alma culas cousas que mos dórun sastisfaçon i prazer, lhembrei-me de publicar alguns retraticos. Nun squecir que essa einiciatiba tubo ne l sou tiempo muita dibulgaçon i eilha fui un eisito, grácias al trabalho i dedicaçon de personas cumo l nuosso cunterráneo i amigo, porsor Dr. Amadeu i ls participantes (lheitores).
Nun querie deixar passar l'ouportunidade de lhembrar la buona prestaçon que fazírun todos i an particular las personas de Zenízio, todas eilhas associadas de l'Associaçon Cultural i Recreatiba Nial de la Boubielha, que ten mantenido ua streita i salutar lhigaçon a l'Associaçon de la Lhéngua Mirandesa, que tubírun an manos to l trabalho de formaçon, dibulgaçon de la lhéngua, falada i screbida na region de Lisboua.
Ls Zenízienses quando toca a dar la sue upa nunca se negórun, assi quiero que seia sempre, dar las manos por este patrimonho cultural que ye la nuossa lhéngua mai, debe ser ua oubrigaçon, quien mos l deixou querie i merece.
Mirai ls retratos (85) an www.nialdelaboubielha.com i ne l www.facebook.com/ACRNialdelaboubielha albuns.
(F.A.)
1 comentário:
Buonas nuites Faustino,
Parabienes por relhembrares l'eibento de la lheitura antegral de Ls Lhusíadas, que fui un de ls puontos mais altos de la stória de la lhéngua mirandesa que Amadeu Ferreira mos ourganizou ne l Festibal Interceltico de Sendin.
Un abraço,
Leonardo
Enviar um comentário