Talbeç cunsígamos ua splicaçon …
Por que rezon, an 1987, Pertual (que tenie cumo Persidente de la República Mário Soares, cumo purmeiro menistro Cabaco Silba i menistro de ls Negócios Strangeiros Juan de Dius Pinheiro) se puso na altura de l mesmo lado que ls Stados Ounidos de Reagan i que l Reino Ounido de Thatcher i fúrun esses trés, ls únicos países (cumo se puode ler hoije ne l site de la RTP Ber aqui ) a botar contra la resoluçon de las Naçones Ounidas « para la libertaçon de Nelson Mandela i de l pobo sul-africano » ?
Percisamos
de antender !
L
antigo Persidente de la República Jorge Sampaio dixo nun antender el tampouco
essa atitude de Pertual…
Ber tamien aqui
Ber tamien aqui
6 comentários:
La posiçon de la França nun era assi tan clara :
Fizo parte de ls países que na sue grande maiorie botórun an 1987 a fabor dessa resoluçon de l'ONU para la libertaçon de Mandela i l fin de l’apartheid. Era anton persidente de la república francesa l socialista François Miterrand. Uns anhos mais tarde, l persidente Chirac até fui recebido na Africa de l Sul por Mandela anton Persidente el tamien ; cousa que puls bistos nunca chegou a acuntecer afinal cun ningun chefe de stado pertués...
Mas cunben saber que la França fizo parte de ls países que aceitában bender armas al gobierno de l’Africa de l Sul quando este paíç procuraba a todo l custo mantener l’apartheid...
Buonas nuites Ana Marie!
Cunfesso la mie eignoráncia nesta queston, pa la qual nun cunsígo bislumbrar nenhue splicaçon. Mas “Percisamos d'antender” que Mandela ampeçou cumo un rebelde nun pais de grandes çfrenças, separaçones i segregaçones de pessonas pula quelor de la piel. Fui contra eilhas que lhuitou, contra l'apartheid que l’ampunie un statuto d'home anferior debido solo a la sue quelor de la piel. Por esso fui cunsidrado un terrorista i cundenado a prison perpétua, an 1964. Esta anjusta prison corriu l mundo, trasformando Mandela nun simblo bibo de la lhuita pula lhibardade.
Durante esta anjusta prison, adonde permaneciu 27 anhos, defendiu siempre la reconceliaçon pacífica de la sociadade Sul-Africana.
Fui esta reconceliaçon pacífica que lhiebantou mui alto l splendor de la bandeira de l'eigualdade de raças i de la lhuita pula lhibardade i custituiu ua berdadeira liçon d'houmanidade, transformando Nelson Mandela nun smblo de lhuita pula lhibardade, que you muito admiro.
Un abraço,
Leonardo
Leonardo,
Era defícele para Mandela i outros nun se tornáren rebeldes tendo an cuonta l'apartheid que ua minorie amponie a todo un pobo...
I hoije l que ye que Cabaco chegou a dezir para celebrar la memória de N. Mandela cumo fazirun outros chefes de stado?
Pessonalmente nun oubi nada. Dá que pensar !
Leonardo,
Era defícele para Mandela i outros nun se tornáren rebeldes tendo an cuonta l'apartheid que ua minorie amponie a todo un pobo...
I hoije l que ye que Cabaco chegou a dezir para celebrar la memória de N. Mandela cumo fazirun outros chefes de stado?
Pessonalmente nun oubi nada. Dá que pensar !
Buonas nuites Ana Marie!
De l que Cabaco dixe subre Nelson Mandela çtaco “l sou eisemplo de coraige política, la sue statura moral i la cunfiança na reconceliaçon custituen berdadeiras liçones d'houmanidade”.
De l que mais gustei fui de l Obama que dixe:
- “l mundo perdiu un de ls mais anfluentes, corajosos i buns seres houmanos”.
- “un gigante de la stória, que lhebou ua nacion an direçon a la justícia”.
L que you mais gustei de ber, pula telebison, fui tanta giente ounida ne l radadeiro adius a Nelson Mandela, ricos i pobres, negros i brancos, …, subretodo miles d'anónimos a cantar i a chorar, an houmenaige a “Madiba”, i you tamien chorei,…
Un abraço,
Leonardo
Enviar um comentário