You i miu cumpadre somos amigos yá se bei, mas nu stamos siempre juntos, a las bezes passam-se por ende un més sin mos bermos. Fui l que acunteciu desta beç.
Iba you çcansado ruga abaixo, quando abistei miu cumpadre a la punta de baixo, quaije al birar de la squina. Tube que dar cuorda ls çapatos para l agarrar.
Anton cumpadre, hai que tiempos que nun bos bie.
Oulhai!... fui pa la probíncia i por alhá tengo stado. L menos nun beio tanta telbison i assi quedo menos anrreibado cun todo l que se passa por ende.
Pus las redadeiras amboras nun tenan sido mui malas.
Bó!... l que me stais a dezir. Anton l que hai de buono?
Pus anton, la eiconimie stá por ende arriba. Las sportaçones tamien oumentaran, i l desamprego stá a abaixar.
Muito me dezeis cumpadre.Ouxalá tengades rezon. You bien que gustaba que todo esso fusse berdade. Mas bós nun bos lhembrais, daqueilhes tanques que hai nas aldés para ls animales buer, anque la bica steia siempre a correr i nunca enche l tanque, porque stá roto. Ye esso que se passa culs denheiro públicos.
Çpedi-me de l miu cumpadre, mas sien antes le dezir
“Sodes capç de tener rezon”.
Valter Deusdado
Subscrever:
Enviar feedback (Atom)
Sem comentários:
Enviar um comentário