-Eiqui queda la lhigaçon, l link-
http://www.youtube.com/watch?feature=player_embedded&v=35ew33TS6kY
- que stá a publico no you tube, para quien quejir mais ua beç ber i regalar-se cun tan guapas pieças an madeira.
-Se dúbedas habisse de l sou talento, mais ua beç caien por tierra, porque yá nun ténen cuontas las amboras que del demos, al lhago desta redadeira década, de que stamos an persença d'obras d'arte baliosas ne l sou cuntenido fisico i stórico-cultural, que só manos anterjeitadas, cun muita sabedorie i lhigaço a un pobo las puode tornar rialidade.
Nun ye qualquiera que puode streformar un palo i nel custruir ua filadeira ou ne l pecado de Adon i Eba, nun ye qualquiera que ten uas manos para agarrar ne ls cunferrumes de carpinteiro i cumo se fusse magie i poner eili delantre de ls nuossos uolhos pieças religiosas ou paganas.
Stimado amigo i cunterraneo bien haias mais ua beç por eilebares i dibulgares atrabeç de l'arte i la cultura stremuntana, sós a la par de ls artesanos, pintores, scritores i demais artistas dino de l maior respeito i apreço, que Dius te pague tamanho cuntributo.
Estas mascaras yá son hoije i séran ne l feturo teçtemunhos, adonde las geraçones bindouras tenéran l maior ourgulho de se reber i antitular de stremuntanos i pertueses.
4 comentários:
Achu qu'aqueste tiu tamiên aparéce ne la revista "Boh !" d'aqueste més.
Antersante de turnar a vé la viêlla a filar aende. Pus tamiên nun straña qu'aparéça ende cu'ls carochus purque repersenta ua antiga diusa nuôssa de l'inviêrnu.
Lus carochus, eilles, puôden repersentar spritus de muôrtus ou scalla un dius que nu sei eidenteficar, mas ye claru que la queluôbra ou'l llagartu que sal de la boca'l carochu ten un sentidu. hai que l'achar !
You pensu que la boca dal carochu sta an relaçon c'ua gruta y que la queluôbra repersenta la moura de la gruta (D'ua cierta maneira, la moura y la viêlla son seres miticus ligadus antre eilles). Pus cume sabeis, la moura siêmpre se trasforma an queluôbra quandu d'algun la quiêr ajudar.
Buonas nuites Faustino,
Ouserbando bien estes trabalhos de Amável berificamos “que stamos an persença d'obras d'arte baliosas ne l sou cuntenido fisico i stórico-cultural, que só manos anterjeitadas, cun muita sabedorie i lhigaçon a un pobo las puode tornar rialidade,” cumo bós screbistes.
Ye ua honra i ourgulho, para nós ls zenizienses tenermos un eicelente arteson, que fai obras d’arte que son un simblo de la nuossa region stremuntana, pul que renobo a bós Amável “ls parabienes de la quemunidade Zeníziense”, cun mais un bien haias por eilebares i dibulgares, atrabeç de l'arte, la nuossa cultura mirandesa i stremuntana”.
Parabienes tamien a bós Faustino por esta dibulgaçon.
Un arrochado abraço,
Leonardo
oulá cunterranios, oubrigado puls buossos eilustres comentairos,spero nun bos tener zeiludido
ye berdade qu'alhá cápia de la rebista Bó tras ua máscara mie, Amáble Anton
Enviar um comentário