03/01/12

HOIJE

.

RESUMO DE LAS AMBORAS DE L’HOIJE NA SEGUNDA METADE DE L’ANHO DE 2011



Onte fui l bideo de la purmeira metade de l anho, hoije ye de la segunda. Fui un anho an que l HOIJE lhebou até ls sous leitores cientos de amboras i amostrou cumo pul Praino la cultura ten tamien ls sous dies. Son las associaçones, que tantas bezes son mal antendidas i até zacraditadas. Solo quien bibe eiqui sabe l munton de giente que dá muito de l sou tiempo para que l Praino seia ambora.
Muitas bezes oubimos ls que stan fura a dezir que nun hai nada, que pouco se faç. Mas mirai para este bideo i dezi alhá se l Praino nun dá tanto ó mais a la cultura que ua grande cidade. Cabiemos nua rue de Lisboua, mas durante l anho somos mais atibos i tenemos mais atibidade cultural i mais partecipada.
Hai ls que bénen ne ls dies nomeados i cúidan que nun hai mais nada a nun ser adonde eilhes stan. Mas hai muito mais. Eiqui queda ua pequerruchica parte de l que las associaçones fázen, sien andáren a toda la hora a saber de ua zmola. Para fazer bonda gana de l fazer.

3 comentários:

Teresa Almeida disse...

Yê de loubar l registo de las amboras de l que se faç an tierras de l praino mirandés pula cultura, pul zambolbimiento i pul cumbíbio salutar antre las pessonas.
Beisicos

leonardo antao disse...
Este comentário foi removido pelo autor.
leonardo antao disse...

Buonas nuites Almendra,

Telefonou-me un fameliar miu que se ancontra ne l Canadá a eilogiar estes buossos bídeos que son un speilho de la nuossa cultura mirandesa atual i la prolongan para mui lhoinge de l praino mirandés, por esse mundo fura adonde hai mirandeses ábidos de béren i oubiren esses nuossos stimados cunterráneos que cuntinuan a bibir no plaino, que muito ajudan a “reberdecer” la cultura mirandesa nas quemunidades lhuso-mirandesas spalhadas pul mundo.

Ua beç mais, ls mius parabienes por estes guapos Bídeos i Dius querga que nunca pareis este amportante trabalho de registo i dibulgaçon de la cultura mirandesa.

Un abraço arrochado,
Leonardo.