23/12/10

Merda


Nun fáltan por ende houmenaiges a Zeca Afonso, uas melhores, outras piores, uas cun antresse artístico, outras que solo sirben para ganhar denheiro. Mas hoije çcubri este bídeo ne l youtube i achei que debie de falar nel.






An berdade, esta porquerie parece mais ua música feita pa ls Morangos cun Açúcar que ua bersion de ua música do Zeca, mas l pior nun ye esso. Oubi solo ls purmeiros bersos i acuparai-los culs purmeiros bersos de la lhetra oureginal.

Quando a corja topa da janela
O que faz falta
Quando o pão que comes sabe a merda
O que faz falta

Nel bídeo, la altura de l sonido ye abaixada de perpósito, para que nun se ouba la palabra "merda". Ui, nós somos bien cumportados! Houmenageamos l Zeca Afonso, mas nun dezimos "merda". Esso ye que nó!

Esto yá serie stúpido se (bamos alhá a poner essa heipótese absurda) Zeca tubisse ousado la palabra de forma gratuita. Mas claro que nó! Na berdade, "quando o pão que comes sabe a merda" ye un berso fortíssemo, dua spressibidade que porbocará ambeija a muitos músicos i a muitos poetas. Cortá-lo ye ampobrecer la cançon.

Antes de l 25 de Abril, yera proibido oubir Zeca Afonso, que para alhá de un grande músico, foi un lhuitador ancansable pula Lhibardade i cuntra la cinsura. Agora, 36 anhos apuis de la Reboluçon de ls Crabos, cuntina a ser cinsurado, desta beç por rezones comerciales. Estes ninos de coro, que quieren ganhar bun denheiro a la cuonta de "houmenaiges", ténen miedo de dezir "merda", mas nun ténen miedo de cinsurar cançones de forma patética, cumo se la lhetra nun fusse bastante coincida.

Para mi, esta gente ye merda.






4 comentários:

Adelaide Monteiro disse...

Cuncordo, Fir.
Tirórun-l la eisséncia a la cançon i la fuorça poética al poema. Se bien calha dízen cousas bien piores.
Secalha la bida nun l soubo a merda i por isso nun sáben ber la fuorça que l poema ten!!!
Buon anho, Fir.

Delaide

Fir disse...

Buonas fiestas tamien para bós, Adelaide.

Fir

AF disse...

Diç-me l miu Juan que ye produtor de l bideoclip que faç cinçura i que esso se dá an todusos, que nun ye culpa de ls músicos. Que solo hai un modo de saber que ye oubir l CD. Diç el que neste causo eilhes nun fálan mais baixo, mas que hai mesmo cinçura de la produçon.
Mas you desso nun antendo nada!
AF

Fir disse...

Amadeu,

ye possible que sea ua cinsura de l produtor. Mas you nun bou mercar l CD, dando denheiro a esse produtor, para tener la certeza.

Oubir l Zeca oureginal ye sempre l melhor.