.JPG)
Spárrago brabo - Asparagus [genus]L sparrago ou spárraco brabo hai lo por to las tierras de Miranda. Datrás ponien-lo nas puortas de las casas para nun deixar antrar las bruxas. Dízen las pessonas que las bruxas nun cunseguien antrar nua casa que tubira ua yerbeira de spárrago sien cuntar las folhicas todas. Cumo las folhicas éran muitas, fazie-se de die sien habéren acabado la cuntaige i ende yá nun podien antrar.
2 comentários:
Nun déixan passar las bruxas i pulas cierta tamien ls bruxos, ls spárragos.
Nun ye ampossible que esses tamien seian comestibles cumo l son ls spárragos cultibados (berdes ou brancos) de ls quales se cómen ls rebentos quando sálen de la tierra i que tamien se puoden aclimatar eicecionalmente bien nas tierras de Miranda, nas huortas de Sendin por eisemplo. Yá tube la pruoba alhá, un anho destes, an fins de Abril. Nun custou muito purpará-los i regá-los por fin simplesmente cun azeite i uas pingas de binagre.
Para quien nun sabe, esse era l “manjar” preferido de l rei Luís XIV, l “rei Sol”, rei de França, ne l sou palácio de Bersalhes (Mas talbeç sien l azeite i l binagre ...).
Tenemos talbeç nas nuossas huortas ouro berde sien mos darmos berdadeiramente de cunta.
Quanto a la purparaçon, stou spuosta a dar la mie receita a quien saiba apreciar las cousas buonas... i tamien simples de la nuossa tierra.
Si, Ana, ls bruxos inda serie mais defícele passáren porque, nessas cousas, éran menos ables que las bruxas.
Ls spárragos,an Sendin,dan-se mui bien i hai muito de ls brabosn pulas arribas i hai muita giente que ls apanha para comer. Até hai alhá un sítio que le cháman Ls Spárracos, yá mais acontra Atanor. Até yá houbo giente que chegou a sembrar tierras anteiras de spárragos pa ls lhados de ls Bergel, que ye tierra de arena, i esso fui puls anhos 70 de l seclo XX cuido you.
Mira, Ana, an mie casa cómen-se spárracos muita beç, de modo que, se fur possible, sou candidato a coincer essa tue receita de spárragos, pus stou cierto que la saberei apreciar.
Amadeu
Enviar um comentário