Yá neste blogue l porsor Amadeu puso uns retraticos bien guapos de la trobisqueira (13.09.2007) i ende falou deste arbusto. You, nesses dies, quije poner alguas cousas ne l comentairo que me benírun a la cabeça mas apuis squeci-me, i agora que fui a dar ua buolta ye que me benírun de nuobo a l'eideia. Anton, agora yá nun ban de comentairo, i la tobisqueira nun se bai a aborrecer de tornar a falar deilha.
Cuido qu'eilha aparece mais ne ls rescanhos de ls caminos, de las ancruzilhadas i a la borda de las tierras mais scadaleiras, porque noutros sítios lhebaba siempre porrada. Tamien que nun hai animal nien bicho que la coma, i que ye benenosa, assi cumo las froles, ls fruiticos redundicos i que sendo burmeilhos alguns deilhes bíran mais negros quando amadurados. La cepa palpita-se-me que si era ousada pa la mistela que atelundraba ls peixes nas ribeiras, cumo diç nesse testo mas desso pouco sei porque nun habie porqui.
L que sei ye que nien todo era malo nas trobisqueiras i para alhá de las çfróncias se ponéren ne l eixe de ls carros, de la cáscara de las çfróncias salien tiras cumo baraços, i éran muito rejistintes. Tanto que ls pastores quando ua canhona, canhono ou cordeiro cobrában las patas, para sanar tenien que antriçar-le l cobrado nuns palos amanhados a jeito i atá-los, ousando la trobisqueira i nun baraços. Habie porqui l’eideia que assi sanaba mais debrebe. Quando pula Purmabera ls cordeiricos, que quemien muita yerba berde i cun ourbalheira, quedában cun çfuíra, que los eimagrecie i até puodie ser la sue muorte, atába-se-le ua tira de la cascara dua trobisqueira que fusse çfróncia sola i la çfuíra passaba-le. Quando stabamos pul termo i benien aqueilhas balientes truniadas, siempre ls mius me recumendórun que se m'arrimasse a ua trobisqueira ls trúnios ende nun caien.
Nun sei a quanto isto s’arrima de la ciéncia, mas que l pobo agarraba an todo esto agarraba. Será porque las palabras trobisqueira i trúnio ne l sou ampeço s’asparécen? Tamien sei que apuis de mexer na trobisqueira las manos apéstan.
Cuido qu'eilha aparece mais ne ls rescanhos de ls caminos, de las ancruzilhadas i a la borda de las tierras mais scadaleiras, porque noutros sítios lhebaba siempre porrada. Tamien que nun hai animal nien bicho que la coma, i que ye benenosa, assi cumo las froles, ls fruiticos redundicos i que sendo burmeilhos alguns deilhes bíran mais negros quando amadurados. La cepa palpita-se-me que si era ousada pa la mistela que atelundraba ls peixes nas ribeiras, cumo diç nesse testo mas desso pouco sei porque nun habie porqui.
L que sei ye que nien todo era malo nas trobisqueiras i para alhá de las çfróncias se ponéren ne l eixe de ls carros, de la cáscara de las çfróncias salien tiras cumo baraços, i éran muito rejistintes. Tanto que ls pastores quando ua canhona, canhono ou cordeiro cobrában las patas, para sanar tenien que antriçar-le l cobrado nuns palos amanhados a jeito i atá-los, ousando la trobisqueira i nun baraços. Habie porqui l’eideia que assi sanaba mais debrebe. Quando pula Purmabera ls cordeiricos, que quemien muita yerba berde i cun ourbalheira, quedában cun çfuíra, que los eimagrecie i até puodie ser la sue muorte, atába-se-le ua tira de la cascara dua trobisqueira que fusse çfróncia sola i la çfuíra passaba-le. Quando stabamos pul termo i benien aqueilhas balientes truniadas, siempre ls mius me recumendórun que se m'arrimasse a ua trobisqueira ls trúnios ende nun caien.
Nun sei a quanto isto s’arrima de la ciéncia, mas que l pobo agarraba an todo esto agarraba. Será porque las palabras trobisqueira i trúnio ne l sou ampeço s’asparécen? Tamien sei que apuis de mexer na trobisqueira las manos apéstan.
3 comentários:
Dizes que se le ataba ua tira de la casca de la trobisqueira a un cordeirico cun çfuira: i an que sítio se le ataba?
Ye berdade que me squeci de dezir adonde.
Ataba-se-le ne l rabo.
Mira, Faustino, stube a pensar nessa de tous pais de te dezíren que nas truniadas te arrimasses a ua trobisqueira, que alhá ls trúnios nun caien.
Dende tu cuncluiste que las trobisqueiras fastában las centeilhas, por talbeç tenéren algue propiadade.
Mas se pensares bien, berás que l que tou pai te querien dezir era algo defente:
- nun te arrimes a las arbles que eilhas atráien las centeilhas;
- anton, arrimo-me adonde para nun me molhar?
- arrima-te a ua trobisqueira, que ende nun cáien las centeilhas.
Esso quier dezir, arrima-te a nada, yá que la trobisqueira nun mos defendie de l'auga. Portanto l eissencial na eideia de tous pais nun era arrimar a la trobisqueira, mas afastar de l'arble. I essa era ua buona maneira de lo dezir.
Esto fui l que you pensei. Nun achas, Faustino, que esta era ua maneira bien pedagógica que eilhes tenien de ansinar?
Enviar um comentário