Znudo-me quando te digo
que nun bibo
nesta zdita
de nun te tener
acerca.
Stico ls passos
mas la çanca
nun abarca mais terreno
i sei bien,
cun tal canseira nun chego.
Apuis,
debélgan-se ne ls dedos las palabras,
falta-le resfoulgo
para me dezir por anteiro
i por anteiro te dezir.
Tan loinge,
sien ser capaç de screbir!
I you loinge,
que de tan loinge, zaspero!
Sem comentários:
Enviar um comentário