02/08/13

L mundo sabe de la lhéngua mirandesa!



Stou a screbir a porpósito de l testo que Valter Deusdado puso eiqui ne l Froles, l que stá ambaixo deste, esto se, antretanto,  un qualquiera de la quadrilha nun puso alhá outro mas, anda todo mundo pouco birado pa la scrita, pensa-se mais an bacances.
You nun sou muito de ber telebison mas andagorica mesmo, hai por ende ua meia hora, staba a ber l porgrama de l Canal 1 – Pertueses pul mundo – gusta-me l porgrama – mostraba este porgrama pertueses a bibir na Stónia, na cidade de Tallinn, penso ser la Capital de l paiç mas para nun tener dúbedas bou-me eiqui al bezino google i cunfirmo que si, ye la capital de la Stónia. L porgrama mostraba ls pertueses a bibir na Stónia cumo se antegraban ne l die a die i  staba un a falar, nun fiquei cul sou nome mas era scritor i tenie alguns lhibros scritos i traduzidos para la lhéngua Stónia.
Bah bamos alhá al que bos quiero dezir, anquanto l home falaba nun yé que mostra la eimage de l lhibro que bedes ambaixo. Buono foi solo para dezir que fiquei cuntento i assi se bei que la nuossa lhéngua mirandesa anda a ser falada pul mundo i esso ye buono, gusta me.

Buonas bacances a to l mundo i para ls que ban al Ancuontro de Blogueres an Bemposta die 17 de Agosto, un até brebe.

Neste fin de semana yá bou purparar l porgrama para apuis l poner eiqui, teneis que tener un pouquito mais de pacéncia.

1 comentário:

leonardo antao disse...

Buonas nuites Antonho,

Amboras cumo esta son, para mie, ua houmenaige a todos ls scritores de la lhéngua mirandesa, an special a Amadeu Ferreira i a José Ruy.

Parabienes por esta antressante ambora.
Leonardo