Passei, "cumo perro por binha bindimada", trés dies nas tierras de Miranda i, cuomo andában a fazer las bindimas, oubi i recolhi alguns ditos-dezideiros relacionados cun bino, que próban la riqueza popular, la spriéncia de bida i la sabedorie de las nuossas gientes mirandesas.
Eiqui bos deixo cachicos de la nuossa alma mirandesa, que ténen la fuorça de la berdade, de l bien, de l mal, i de la rustecidade cun que muitos se criórun, bibírun i se debertírun, assi:
- Pul San Martino, proba l tou binhico i deixa-lo bien tapadico;
- Chicha de hoije, pan de onte i bino de l passado berano, fázen l home sano;
- Quien quejir tener un bun bezino, deia-le ua buona pinga de bino;
- Bal mais bino squemungado que auga santa;
- Bino por medida alharga la bida, bino por bota alegra la bidota;
- Bubida bien regrada fai la bida alhargada;
- Bino i mulhieres dan mais pesares que prazeres;
- Bino mui burmeilho cheira-me a fedeilho;
- Cun bino i toucino parece que bola l camino;
- Borracho fino nun deixa l'auga pul bino;
- Bebido l bino perdido l tino; por isso nun çqueças "se bebires nun cuonduzas"
Eiqui bos deixo cachicos de la nuossa alma mirandesa, que ténen la fuorça de la berdade, de l bien, de l mal, i de la rustecidade cun que muitos se criórun, bibírun i se debertírun, assi:
- Pul San Martino, proba l tou binhico i deixa-lo bien tapadico;
- Chicha de hoije, pan de onte i bino de l passado berano, fázen l home sano;
- Quien quejir tener un bun bezino, deia-le ua buona pinga de bino;
- Bal mais bino squemungado que auga santa;
- Bino por medida alharga la bida, bino por bota alegra la bidota;
- Bubida bien regrada fai la bida alhargada;
- Bino i mulhieres dan mais pesares que prazeres;
- Bino mui burmeilho cheira-me a fedeilho;
- Cun bino i toucino parece que bola l camino;
- Borracho fino nun deixa l'auga pul bino;
- Bebido l bino perdido l tino; por isso nun çqueças "se bebires nun cuonduzas"
2 comentários:
Mui bien Leonardo.
Ls ditos dezideiros son un eilemento mui amportante de la nuossa cultura. Gustei de ls que poniste, yá que alguns nun ls coincie, inda que yá tenga ajuntado miles deilhes.
Adonde ls arrecolhiste, yá que esse ye un punto amportante?
Se tubires mais por ende, nien que séian «cun auga», bota-los para acá.
Amadeu, alguns arrecolhi-los na cuonbersa culas pessonas que ancuontrei na rue de Bilharino, na tarde de l die 13 de Setembro, nomeadamente cul tio Daniel Deusdado, cun Arminda Neto (filha de l tiu Zé Maria Sapateiro, ua buona cuntadora de stórias i buona faladora de la lhéngua mirandesa) Marta Domingues (armana de Francisco, tambien buona faladora i cun grande cultura mirandesa, mostrou-me i esplicou-me para que serbien tuodas las cousas que hai no Museu de Zenízio. Mostrou-me tambien tuodas las images que hai na eigreija; eilha yé la respuonsable pulas chabes de l Museu i de la Eigreija), Alcino Antão (filho de l tio Abel e armano de Domingos): Outros retirei-los de l lhibro "ditos dezideiros" de António Maria Mourinho, que cumprei an Miranda.
Escrebinhei mais alguns dezideiros, que mais tarde tantarei poner a dreito, cuomo este "pu.. santada nun ganha nada" "bozes de burro nun chegan l cielo" "An junho, fuoice no punho" que demonstran grande espreiência de la bida rural, cuomo este berso:
A miu amor alhá longe,
Perde tiempo i bem-me ber,
Las cartas nun balan nada,
Para mie que nun sei ler.
Enviar um comentário