Natal ye siempre q’un home quejir
La sabedorie popular diç, que Natal ye siempre
que alguien, home ou mulhier, las pessonas quejíren, quando fai aluson a armanar
esta temporada, al bint’i cinco de Dezembre.
Nacimiento de cousas nuobas i buonas.
Cumo la sprança de melhoras quien ten ua
malina, la sprança de que haba fartura para quien ten penúria i fame, a un modo
melhor de gobernar la bida quien nun ten aonde ir percurar sustento, agasalhos
i calentura quien ten friu i nun ten cun que s’agasalhar… i por ende alantre an
tanta cousa.
Ls más de nós mantenemos la sprança to ls dies
que l dito “Natal ye siempre q’un home quejir” bire berdade, que nun
seia solo lhembrado nesta temporada natalícia, neste tiempo que se comemora l
nacimiento de l Nino Jasus. Eibocando to ls ninos nacidos ne l ouniberso i an
to l anho pula sprança que son la garantie
de la houmanidade, de l futuro.
Tiempo, que para spanto de muitos de nós, birou
tonteira comercial, que tanto mundo cuida que ye culas oufiertas que regálan
agora, págan l’andifrença, l afastamiento, la solidon que dórun i botórun durante
l restro de l anho.
- Porquei nun s’ouferece an qualquiera die de
l anho, la oufierta que fai cun que l amigo, l bezino, l pariente, l
cumpanheiro, l percisado se sinta lhembrado?
- Porquei nun se dá ua palabrica de cunsuolo aquel que
stá doliente, ua palabrica d’animo a quien stá solico neste mundo?
- Porquei nun se pon to ls dies de lhado
l’ambeija, cobícia, ganáncia, maleitas que géran einemigos, que son las fuontes
de las injustícias i guerras?
Las oufiertas por bien guapas i baliosas que
séian, nun bálen nada, nun fázen ser houmano nanhun melhor se nun fúren dadas
cul coraçon i ganas d’arrependimiento, demudas.
You gusto – siempre gustei – muito desta temporada natalícia, mas nun
gusto deste modo de comemoraçon nien de l modo cumo se fai. Queda todo cheno de
lhuç, adonde l fantástico reina, scondendo l berdadeiro, comemoraçon quantas
bezes çpida d’afetos i carinos, de fé na custruçon dun ouniberso melhor.
Cumo la sprança ye la redadeira que se morre, you bou a mantener la
sprança de que l modo puro cumo se bibie, se celebraba l die de l nacimiento de
l Nino Jesus, l’houmildade de l persepe n’Eigreija, la magie de l’ounion de la família,
a quando you de garoto.
Un die bolba ser possible.
1 comentário:
Lindo falar de esperança!...
Solidariedade, paz...
Falar do amor... que nos faz
Adultos, em ser criança,
A qual espera e não cansa
De esperar por ser capaz
De crer no amor que traz
Mais amor, luz e bonança.
Esse texto em mirandês,
Creia, Teresa, me fez
Ver o mais transcendental
Costume do português
Solidário e é talvez
Só o AMOR, em Portugal!
Grande abraço! Laerte.
Enviar um comentário