Nuolos apertados.
-Ah Jesé l nuosso filho fui cundanado?
Cundanado!? - Porquei el habie de ser cundanado, buona geira!
-Adonde queda l Ultramar?
Adonde queda l Ultramar!? - Mas que precuras tan chochas, l que sei
you mulhier adonde queda tal tierra!
An todo l camino inda nun te
calheste un ratico, ua prercura torpeça noutra! Se you nun m’aporcato nun atino
ne l que quieres saber, nien al que bamos a fazer i ampeço you tamien par ende
a treslhoucar.
El nien se daba cunta que
Sabel precuraba todo para ancubrir l’auga que reçumaba ne ls uolhos i la monca
de l nariç.
La caminada fazie-se cierta i cumpassada, para
quei chegar a l’arada debrebe. Stában sien animo. L sou sentido bolaba para
outro lhado, cumo se fura traçada pul çtino, aquel mesmo que se habie
antrepuosto antre eilhes i l de sou rapaç, agora íban solos sien el.
Nun l tenien nun sabien
adonde quedában las Áfricas.
Íban-se a
caras a la lhata de la Gúiras.
Sien repuostas a tanta precura de Sabel,
querien cuntinar a fazer pulas cousas cumo fuorma d’atamar l baziu que se
querie tornar dunho i senhor de ls sous sentidos.
Precurar tantas cousa al sou
tiu, era l modo que la lhigaba i acurtiaba aqueilha eimagináira lunjura.
Naqueilha lhata, arada i
arrastrada, sembrarien las patatas tardiegas cumo lo habien feito anhos a filo
cul mesmo amor sembrórun aquel filho hai biente anhos datrás.
Sabien pul més i pula
lhuna l die cierto pa las botar a la tierra, nun sabien nien adonde nien
porquei l sou habie sido ambiado i oubrigado a quedar tanto tiempo apartado i
fuora de casa.
-Será que fui porque se fizo home?
-Porque tenie binte anhos,
porque sacou las suortes i era purfeito?
-Ah home será que quando fur
tiempo de las arrincar yá tenemos acá l rapaç?
You nun sei mulhier, l que se
cunta i diç ye que bán por muito tiempo i que nun queda acerca. Nun sou home de
muitos antenderes, nun sou home de haber passado de la feira de ls Grazes a
baixo.
Mas debe ser alhá pa ls lhados
de ls Anfiernos, pula nomeada que ten i pula cunsumison que mos dá.
Las angúrrias marcadas pul
puolo i ls riscos de l choro na cara de Sabel éran cumo un mapa que desenhaba
l’alma apertada dua mai que nestes mesmos sucos habie deitado i acunchegado nun
xal l filho quando drumie l sono de ninico.
Buolta a buolta i mais buolta
la tierra quedaba birada, cumo se todas aqueilhas buoltas de la torna tubírun l
perpósito de fazer ua lharga caminada a precurar daqueilho que nun l salie de l
sentido i que querien tornado. Renacerie l die que dalhá benisse.
-Ah Jesé será que lhougo a la
nuite ten un caldico para cenar?
-Será que quando se fur a
drumir ten ua manta para s’acubrir?
Quantas precuras aqueilha mai
iba inda a fazer, acordada ou an suonhos i quantas nun quedarien ancerradas ne
l coraçon sien que l sou Jesé le puodira dar repuostas nin zatar aquel nuolo!.
---------------------------------------------------
– Nós apertados
-Ah José o nosso filho foi condenado?
Condenado!? – Porque
havia ele de ser condenado, essa agora!
- Onde fica o Ultramar?
Onde fica o Ultramar!? – mas que perguntas tão chochas, o
que sei eu mulher onde fica tal terra!
Em todo o caminho não se calou um bocado, eram perguntas
atrás de perguntas!
Se eu não estou atento não atino no que queres saber, nem o
que vamos fazer e começo eu também a variar.
Ele nem se apercebia que Isabel fazia tudo para ocultar as
lágrimas que nasciam nos olhos e o pingar do nariz.
A caminhada era regular e certa, para quê chegar depressa a
terra para lavrar. Estavam sem ânimo. O seu pensamento voava para outro lado,
como se fosse traçado pelo destino, aquele mesmo que se tinha posto no meio
deles e do seu rapaz, agora iam sós sem ele.
Não o tinham não sabiam onde era África.
Iam na direção da terra das Guiras.
Sem resposta a tantas perguntas de Isabel, queriam continuar
a fazer pelas coisas como forma de acalmar o vazio, que queria tornar-se dono e
senhor dos seus sentidos.
Procurar tanta coisa ao seu marido, era a maneira que a
ligava e encurtava aquela distância imaginaria.
Naquela terra, arada e alisada, fariam a última sementeira
de batatas como sempre o fizeram anos seguidos com o mesmo amor que semearam
aquele filho havia vinte anos atrás .
Sabiam pelo mês e pela Lua o dia certo para por as batatas
na terra, não sabiam nem onde nem porquê o seu filho tinha sido enviado e
obrigado a ficar tanto tempo separado e fora de casa.
-Será porque se fez homem?
-Porque tinha vinte anos, porque foi a inspeção para a tropa
e era perfeito?
-Ah homem será que quando for tempo de apanhar as batatas já
temos cá o rapaz?
Eu não sei mulher, o que se conta i diz é que vão por muito
tempo e que não fica perto. Não sou homem de entender esta coisas, sou homem
que não passou para baixo da feira dos Gorazes.
Mas deve ser la para os lados dos infernos, pela fama que
tem e pela consumição que nos dá.
As rugas marcadas pelo pó da terra e os riscos das lágrimas
na sua cara eram como um mapa desenhado a alma apertada de uma mãe que nestes mesmos
regos do arado tinha deitado e aconchegado em um xale o filho quando dormia o
sono de menino.
Rego a rego e mais voltas a terra ficava virada, como se
todas aquelas voltas da arada tivessem o propósito de fazer uma longa caminhada
a procura daquele que não era capaz de esquecer, não lhe saia do sentido e que
queria que voltasse.
Renasceria o dia que de lá viesse.
-Ah José será que logo a noite tem um caldo para comer?
-Será que quando se for deitar tem ula manta para se tapar?
Quantas perguntas aquela mãe ia aida fazer, acordada ou em
sonhos e quantas não quedariam fechadas no seu coração sem que José lhe pudesse
dar respostas nem desatar aquele nó.
Sem comentários:
Enviar um comentário