26/04/14

L morrer de ls dies

 

Sóbran passos
por s´habéren perdido
ne l zacreditado caminho i,
 ls que fúrun quedando,
nunca mais adelántran camino.
 Hai minutos que sóbran,
 horas a faltar al calendário,
dies perdidos que nun tórnan,
 beisos a recalcer ne l borralho,
sien que nunca caléçan bocas,
beisos frius a çcualhar,
auga que nun poderá recunfortar
 l peito que stá zbalido.
 Beisos dados sien puntarie
falhando l albo legítemo,
 beisos que de tan amargosos
mais balie nun habéren nacido.
Fáltan passos
sóbran passos,
fáltan dies,
sobra camino…

Sem comentários: