(puodes calcar n'eimaige para ber to ls retratos)
Cumo sabemos que hai muitos lheitores deste "sítio" que son cunterranéos i amigos i que le gusta star a la par de las einiciatibas que l'Associaçon Cultural i Recreatiba Nial de la Boubielha (ACRN) pormobe.
Que le gusta ber las caras i l modo cumo passamos ua tarde al redror de l assador de castanhas eiqui deixamos l link adonde publicamos ls retratos.
Nun éramos muitos, mas somos todos buonos, you quaije m'astrebi a apostar que ende fui l sítio adonde mais boubielhos s'ajuntórun, a nun ser an Zenízio stá bisto.
https://www.facebook.com/nial.delaboubielha/media_set?set=a.649519591758311.1073741834.100001008281658&type=3
Un bien haia a todos ls que alhá stubírun, tamien a todos aqueilhes que gustarien de alhá star i nun pobírun.
Oubrigado a l'Outarquie de Corroios, por nos recebir tambien neste lhocal que sendo de todos ye eilha que bota uolho para que todos se síntan bien.
I stá de parabienes la direcion de l'Associaçon porque nun deixou por manos alhenas toda la preparaçon de l magosto.
1 comentário:
Buonas nuites Faustino,
Cada destes guapos retratos son un anstante de tiempo que mos cunta la stória de l magosto, que mos trasmite la cumbibéncia de assar castanhas, de quemer belhós, de molhar las gorjas cua pinga,… que mos trasmite amisade berdadeira.
La Direçon de L’ACR Nial de la Boubielha agradece esta antressante dibulgaçon i ls guapos retratos que tireste.
Un arrochado abraço,
Leonardo
Enviar um comentário